«Nur Otan» partiiasy tóraǵasynyń birinshi orynbasary Baýyrjan Baibek partiia tizimine kimder kirgenin jariialady.
Onyń derekteri boiynsha, tizimdegi azamattardyń 76% partiia isine jańadan aralasyp jatqan tulǵalar. Bul týraly ol óziniń Facebook paraqshasynda jazdy, dep habarlaidy "Ult aqparat".
«Qurmetti dostar! Osy aptada Elbasy, partiia Lideri Nursultan Nazarbaevtyń bastamasymen qolǵa alynǵan partiiaishilik praimerizdiń ekinshi kezeńi ótti. Osy is-sharanyń qysqasha qorytyndysyn shyǵarýdy jón kórip otyrmyn.
Birinshi. Biz barlyq deńgeidegi máslihattarǵa arnalǵan partiialyq tizimderdi ázirleýdi aiaqtadyq. 216 máslihatqa úmitker retinde «Nur Otan»-nyń partiialyq tizimine 6253 adam endi.
Ózderińiz biletindei, birinshi kezeńde praimerizge 10 myńnan astam kandidat qatysty. Al 1-4 qazan aralyǵyndaǵy respýblikalyq onlain-daýys berýge 662 myń adam nemese barsha nurotandyqtardyń 84%-i qatysty.
Praimerizdiń ekinshi kezeńi aiasynda aýdandyq jáne qalalyq konferentsiialarda elektrondy daýys berýge 4,5 myńnan astam bastaýysh partiia uiymdarynyń atynan 10 myńnan asa delegat-sailaýshy qatysty.
Barlyq konferentsiia men pikirsaiystar áleýmettik jelilerde onlain rejimde kórsetildi. Bul sailaý barysynyń ashyqtyǵy men aiqyndyǵyn qamtamasyz etti.
Ekinshi. «Nur Otan»-nyń halyqtyq tizimi jasaldy.
Taldaý kórsetkendei, áielderdiń úles sany 22-den 34%-ke deiin, jastar – 3,5 ese, 7-den 24%-ke deiin artty. Qazirgi qyzmet etip otyrǵan máslihattardyń quramymen salystyrǵanda ortasha jasy 7 jasqa – 51-den 44-ke deiin jasardy.
Partiialyq tizimderdiń 24%-in qyzmettegi depýtattar quraidy, al 76%-i – jańa tulǵalar. Bul qoǵamnyń jańarýǵa degen suranysyn qanaǵattandyrýǵa múmkindik berdi.
Sonymen qatar partiia qataryna 42 myńnan astam jańa múshe qosyldy. Olardyń 1000-nan astamy partiiaishilik sailaýǵa qatysyp, árbir 3-shisi «Nur Otan»-nyń partiialyq tizimine endi.
Úshinshi. Partiialyq konferentsiialarda aýdandyq jáne qalalyq sailaýaldy baǵdarlamalar bekitildi.
El Prezidenti Qasym-Jomart Toqaevtyń «Halyq únine qulaq asatyn memleket» tujyrymdamasyn iske asyrý aiasynda baǵdarlamanyń barlyq jobalary praimeriz kezinde turǵyndarmen jan-jaqty talqylandy. Azamattardan túsken 17 myńnan astam usynystar men eskertýlerdiń 80%-ten astamy qabyldanǵan óńirlik baǵdarlamalarda eskerildi.
Tórtinshi. Partiianyń Májiliske arnalǵan qorytyndy tizimi 25 qarashada «Nur Otan»-nyń HH Sezinde bekitiledi.
Pikirsaiystar qorytyndysy boiynsha 723 jeńimpaz anyqtaldy, olar 14 oblystyń partiialyq tizimderine enedi. Olardyń ishinen 236 adam kelesi aptada «Nur Otan»-nyń Májiliske arnalǵan partiialyq tizimine qosylý úshin oblystyq pikirsaiystarǵa qatysady.
Qazirgi kezde elordanyń, Almaty men Shymkenttiń kandidattary sailandy. Elektrondy daýys berý nátijelerimen Primaries.kz saitynan tanysýǵa bolady»,-dep jazdy Baýyrjan Baibek.
Sondai-aq ol sózinde sarapshylar qaýymy atap ótkendei, partiia praimerizi eń bastysy – básekeli, ashyq ta aiqyn negizde jurt senim artqan bedeldi tulǵalardyń arasynan iriktelgen áleýetti depýtattar korpýsyn jasaqtaýǵa múmkindik beretinin atap ótti.
Osylaisha, «Nur Otan» Elbasy, partiia Lideri Nursultan Nazarbaevtyń bileýshi partiiany «qaita jandandyrý» aiasynda jariialaǵan «Myqty liderler – Myqty partiia» qaǵidatyn naqty iske asyrdy.
«Álemniń jetekshi elderinde ozyq demokratiialyq qural retinde tanylǵan praimeriz qoǵamymyzda jańa saiasi mádeniettiń qalyptasýyna jol asha otyryp, partiialyq-saiasi júieniń ajyramas bóligine ainalatynyna senimdimin»,-deidi partiia tóraǵasynyń birinshi orynbasary.
