Almatyda barlyq saýda-kóńil kóterý ortalyqtaryna, bazarlarǵa, vokzaldar men mektepterge, aýrýhanalarǵa, balabaqshalarǵa, sonymen qatar adamdar kóp jinalatyn oryndaǵa órt qaýipsizdigine qatysty tekserýler uiymdastyrylady. Mundai tapsyrmany Almaty ákimi Baýyrjan Baibek berdi, - dep habarlaidy "Ult aqparat" Tengrinews.kz agenttigine silteme jasap
Ákimdiktiń baspasóz qyzmetiniń málimetinshe, monitoring nátijesi boiynsha órt qaýipsizdigine orai kemshilikter anyqtalsa, onda tiisti sharalar qoldanylady.
Sondai-aq, qazirgi kezde Almatyda 128 oiyn-saýyq ortalyǵy, 46 bazar, 170 meimanhana, qonaqúi men hostel, qoǵamdyq tamaqtanýdyń 2 myńnan asa orny, 300-den asa densaýlyq saqtaý nysany, 700-den asa balabaqsha, 200 orta bilim berý nysany jáne taǵy basqa nysandar bar ekeni aitylady.
Osyǵan deiin Astana ákimdiginde de saýda ortalyqtaryndaǵy qosymsha qaýipsizdik sharalary men adamdar kóp jinalatyn oryndar týraly másele talqylanǵan bolatyn. Jiyn barysynda Astanadaǵy saýda oiyn-saýyq ortalyqtaryndaǵy órtke qarsy qaýipsizdik qalalyq ákimdiginiń únemi baqylaýynda ekendigi aitylǵan edi.
