Pavlodar oblysyndaǵy Baianaýyl taý-shańǵy kesheni 5 myń týrist qabyldai alady. Bul týraly óńir ákimi Bolat Baqaýov aityp berdi, dep habarlaidy QazAqparat.
«Baianaýyldaǵy sporttyq týrizmdi damytý úshin taý-shańǵy kesheni jobasy qolǵa alyndy. Myrzashoqy taýynyń etegindegi 960 metrlik arqan jol osy qysta bes myńǵa deiin týrist qabyldai alady», - ákim Ortalyq kommýnikatsiialar qyzmetinde ótken baspasóz máslihatynda.
Ákim kieli oryndar kóp shoǵyrlanǵan Baianaýyl aýdanynda týrizmdi damytý qajettigin atap ótti.
«Jyldar boiy jergilikti turǵyndar men táý etýshiler kieli oryndarǵa – Máshhúr Júsip kesenesine joldyń joqtyǵyn aityp, shaǵymdanatyn. Biyl biýdjet esebinen 90 shaqyrym jol tolyq jóndeýden ótti. Kelesi jyly taǵy bir týristik oryn – Qońyr áýlie úńgirine aparatyn jol jóndeledi. Týristerge qolaily bolý úshin Baianaýyl aýylyna shaǵyn aviatsiia úshin ushý-qoný jolaǵy, tikushaq alańqaiy bar aerodrom salyndy. Odan bólek, Jasybai kóline deiin elektr berý jelisi, sý qubyry ornatylyp jatyr», - dedi Bolat Baqaýov.
Aita keteiik, Pavlodar oblysynyń ákimi Bolat Baqaýov elordada 2019 jyldyń 10 aiyndaǵy óńirdiń áleýmettik-ekonomikalyq damýy týraly esep berdi.
