پاۆلودار وبلىسىنداعى باياناۋىل تاۋ-شاڭعى كەشەنٸ 5 مىڭ تۋريست قابىلداي الادى. بۇل تۋرالى ٶڭٸر ەكٸمٸ بولات باقاۋوۆ ايتىپ بەردٸ, دەپ حابارلايدى قازاقپارات.
«باياناۋىلداعى سپورتتىق تۋريزمدٸ دامىتۋ ٷشٸن تاۋ-شاڭعى كەشەنٸ جوباسى قولعا الىندى. مىرزاشوقى تاۋىنىڭ ەتەگٸندەگٸ 960 مەترلٸك ارقان جول وسى قىستا بەس مىڭعا دەيٸن تۋريست قابىلداي الادى», - ەكٸم ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ەكٸم كيەلٸ ورىندار كٶپ شوعىرلانعان باياناۋىل اۋدانىندا تۋريزمدٸ دامىتۋ قاجەتتٸگٸن اتاپ ٶتتٸ.
«جىلدار بويى جەرگٸلٸكتٸ تۇرعىندار مەن تەۋ ەتۋشٸلەر كيەلٸ ورىندارعا – مەشھٷر جٷسٸپ كەسەنەسٸنە جولدىڭ جوقتىعىن ايتىپ, شاعىمداناتىن. بيىل بيۋدجەت ەسەبٸنەن 90 شاقىرىم جول تولىق جٶندەۋدەن ٶتتٸ. كەلەسٸ جىلى تاعى بٸر تۋريستٸك ورىن – قوڭىر ەۋليە ٷڭگٸرٸنە اپاراتىن جول جٶندەلەدٸ. تۋريستەرگە قولايلى بولۋ ٷشٸن باياناۋىل اۋىلىنا شاعىن اۆياتسييا ٷشٸن ۇشۋ-قونۋ جولاعى, تٸكۇشاق الاڭقايى بار اەرودروم سالىندى. ودان بٶلەك, جاسىباي كٶلٸنە دەيٸن ەلەكتر بەرۋ جەلٸسٸ, سۋ قۇبىرى ورناتىلىپ جاتىر», - دەدٸ بولات باقاۋوۆ.
ايتا كەتەيٸك, پاۆلودار وبلىسىنىڭ ەكٸمٸ بولات باقاۋوۆ ەلوردادا 2019 جىلدىڭ 10 ايىنداعى ٶڭٸردٸڭ ەلەۋمەتتٸك-ەكونوميكالىق دامۋى تۋرالى ەسەپ بەردٸ.
