Baian Alagózovanyń keńsesi tonaldy. Bul týraly tanymal qazaqstandyq prodiýser Instagram jelisindegi paraqshasynda jazdy, dep habarlaidy "Ult aqparat".
Baian Alagózovanyń aitýynsha, oqiǵa 11 qańtarda bolǵan. "Keshe túnde meniń kompaniiamnyń keńsesine adamdar kirgeni anyqtaldy. Olar eshteńege tiispegen: apparatýraǵa, kompiýterge jáne kostiýmderge, tek qujattardy alyp ketken. Men ýaiymdap otyrǵam joq, sebebi ol qujattardy alǵan adamdar onyń ishinen jaman nárse tappaityny anyq. Sizder ýaqyttaryńyzdy zaia ketirip, myqty degen aýditorlardy shaqyryp, bosqa qarajat tóleisizder. Men adal qyzmet etemin", - dep jazdy ol.
Baian Alagózova qylmyskerlerdi tabý úshin barlyq kúshin salatynyn málimdedi. "Buǵan kim tapsyrys bergeni de erteli me kesh pe anyqtalady. Biraq men kúdiktenetin boljamdar da bar", - dep qosty ol.
