Baian Alagózova taǵy da jurttyń nazaryn ózine aýdardy. Ol bul joly prodiýser ánshi Móldir Áýelbekovany BAQ-qa birge suhbat berýge shaqyrdy, dep jazady Spýtnik.
"Móldirjan, qyzym-aý, muny qaljyńsyz aittyń ba? Keremet qiialshyl ekensiń ǵoi, daryndym meniń. Sózsiz aqyldysyń. Ásirese ózińniń talaptaryń men qaita oralǵanyń jaily jaqsy aitqan ekensiń. Osylai da "ádemi án salýǵa" bolady eken-aý, múmkin birge suhbat berermiz? Shyn máninde qalai bolǵanyn kózime tike qarap aityp berersiń? Móldirjan, sol durys, ózim uiymdastyramyn, qai BAQ-pen keliseiin? Ýáde beremin, bári oidaǵydai bolady. Sonda da myna BAQ asyra siltep jiberip, jariialanǵan sandyraqtyń bári ótirik bolyp shyǵady dep úmittenemin", – dep jazdy Baian Alagózova Instagram-daǵy paraqshasyna.
Aita keteiik, Móldir Áýelbekova otandyq saittardyń birine bergen suhbatynda Baian Maqsatqyzy "Keshiý" tobynyń qyzdaryn ashyq-shashyq kiinýge májbúrlegenin málimdep, ózi qurǵan "Nazar" tobynda sol qatelikterdi qaitalamaýǵa tyrysatynyn aitqan. Onyń sózine qaraǵanda, "Keshiý" qurylǵanda Baian men Baǵym qyzdardy ashyq kiindirý arqyly aýqymdy aýditoriia jinaǵysy kelgen.
"Maǵan ashyq-shashyq kiingen unamaityn. Sol úshin men 2 jyldan keiin "Keshiý" tobynan ketken bolatynmyn. Keiin qaitadan sóileskennen keiin Baian men Baǵymǵa aittym: "Osylai-osylai, men sizderdiń kiimderińizdi kimeimin, qarsymyn" – dep. Sodan keiin meniń talabym oryndalyp, án aitý baǵytyn da ózgerttik. Mysaly, "Súgirdiń termesi" siiaqty ánderdi aittyq", – degen Áýelbekova.
