بايان الاگٶزوۆا تاعى دا جۇرتتىڭ نازارىن ٶزٸنە اۋداردى. ول بۇل جولى پروديۋسەر ەنشٸ مٶلدٸر ەۋەلبەكوۆانى باق-قا بٸرگە سۇحبات بەرۋگە شاقىردى, دەپ جازادى سپۋتنيك.
"مٶلدٸرجان, قىزىم-اۋ, مۇنى قالجىڭسىز ايتتىڭ با? كەرەمەت قييالشىل ەكەنسٸڭ عوي, دارىندىم مەنٸڭ. سٶزسٸز اقىلدىسىڭ. ەسٸرەسە ٶزٸڭنٸڭ تالاپتارىڭ مەن قايتا ورالعانىڭ جايلى جاقسى ايتقان ەكەنسٸڭ. وسىلاي دا "ەدەمٸ ەن سالۋعا" بولادى ەكەن-اۋ, مٷمكٸن بٸرگە سۇحبات بەرەرمٸز? شىن مەنٸندە قالاي بولعانىن كٶزٸمە تٸكە قاراپ ايتىپ بەرەرسٸڭ? مٶلدٸرجان, سول دۇرىس, ٶزٸم ۇيىمداستىرامىن, قاي باق-پەن كەلٸسەيٸن? ۋەدە بەرەمٸن, بەرٸ ويداعىداي بولادى. سوندا دا مىنا باق اسىرا سٸلتەپ جٸبەرٸپ, جارييالانعان ساندىراقتىڭ بەرٸ ٶتٸرٸك بولىپ شىعادى دەپ ٷمٸتتەنەمٸن", – دەپ جازدى بايان الاگٶزوۆا Instagram-داعى پاراقشاسىنا.
ايتا كەتەيٸك, مٶلدٸر ەۋەلبەكوۆا وتاندىق سايتتاردىڭ بٸرٸنە بەرگەن سۇحباتىندا بايان ماقساتقىزى "كەشيۋ" توبىنىڭ قىزدارىن اشىق-شاشىق كيٸنۋگە مەجبٷرلەگەنٸن مەلٸمدەپ, ٶزٸ قۇرعان "Nazar" توبىندا سول قاتەلٸكتەردٸ قايتالاماۋعا تىرىساتىنىن ايتقان. ونىڭ سٶزٸنە قاراعاندا, "كەشيۋ" قۇرىلعاندا بايان مەن باعىم قىزداردى اشىق كيٸندٸرۋ ارقىلى اۋقىمدى اۋديتورييا جيناعىسى كەلگەن.
"ماعان اشىق-شاشىق كيٸنگەن ۇنامايتىن. سول ٷشٸن مەن 2 جىلدان كەيٸن "كەشيۋ" توبىنان كەتكەن بولاتىنمىن. كەيٸن قايتادان سٶيلەسكەننەن كەيٸن بايان مەن باعىمعا ايتتىم: "وسىلاي-وسىلاي, مەن سٸزدەردٸڭ كيٸمدەرٸڭٸزدٸ كيمەيمٸن, قارسىمىن" – دەپ. سودان كەيٸن مەنٸڭ تالابىم ورىندالىپ, ەن ايتۋ باعىتىن دا ٶزگەرتتٸك. مىسالى, "سٷگٸردٸڭ تەرمەسٸ" سيياقتى ەندەردٸ ايتتىق", – دەگەن ەۋەلبەكوۆا.
