Dizel otynyn tutynatyn iri kásiporyndar qajet otyndy Reseiden bajsyz importtaý múmkindigin paidalanǵany jón.
QR Energetika ministrligi Munai tasymaldaý jáne óńdeý departamentiniń direktory Baýyrjan Sálimgereev ortalyq kommýnikatsiialar qyzmetinde osyndai pikir bildirdi, dep habarlaidy QazAqparat.
«Dizel otynynyń jetkiziliminde irkilis boldyrmaý úshin taý-ken metallýrgiia kesheni men jer qoinaýyn paidalanýshylarǵa, sondai-aq, janarmai quiý stansalarynyń jelisin ustaýshylarǵa janarmaidyń tapshy kólemin importtaýdy oilastyrý qajet. Bajsyz import teńgerimi boiynsha Resei Federatsiiasynan Qazaqstanǵa biyl 530 myń tonnaǵa deiin janarmai kirgizýge bolady. Jyl basynan bergi 8 aida 145 myń tonna janarmai importtaldy. Iaǵni, jyl sońyna deiin 385 myń tonna importtaýǵa bolady. Búgingi kúni import boiynsha eshqandai shekteýler joq», - dedi Ekrgetika ministriginiń ókili.
Onyń aitýynsha, ministrlik Resei Federatsiiasyndaǵy áriptesterimen qajetti kólemde dizel importtaý máselesin pysyqtap jatyr.
