ديزەل وتىنىن تۇتىناتىن ٸرٸ كەسٸپورىندار قاجەت وتىندى رەسەيدەن باجسىز يمپورتتاۋ مٷمكٸندٸگٸن پايدالانعانى جٶن.
قر ەنەرگەتيكا مينيسترلٸگٸ مۇناي تاسىمالداۋ جەنە ٶڭدەۋ دەپارتامەنتٸنٸڭ ديرەكتورى باۋىرجان سەلٸمگەرەەۆ ورتالىق كوممۋنيكاتسييالار قىزمەتٸندە وسىنداي پٸكٸر بٸلدٸردٸ, دەپ حابارلايدى قازاقپارات.
«ديزەل وتىنىنىڭ جەتكٸزٸلٸمٸندە ٸركٸلٸس بولدىرماۋ ٷشٸن تاۋ-كەن مەتاللۋرگييا كەشەنٸ مەن جەر قويناۋىن پايدالانۋشىلارعا, سونداي-اق, جانارماي قۇيۋ ستانسالارىنىڭ جەلٸسٸن ۇستاۋشىلارعا جانارمايدىڭ تاپشى كٶلەمٸن يمپورتتاۋدى ويلاستىرۋ قاجەت. باجسىز يمپورت تەڭگەرٸمٸ بويىنشا رەسەي فەدەراتسيياسىنان قازاقستانعا بيىل 530 مىڭ تونناعا دەيٸن جانارماي كٸرگٸزۋگە بولادى. جىل باسىنان بەرگٸ 8 ايدا 145 مىڭ توننا جانارماي يمپورتتالدى. ياعني, جىل سوڭىنا دەيٸن 385 مىڭ توننا يمپورتتاۋعا بولادى. بٷگٸنگٸ كٷنٸ يمپورت بويىنشا ەشقانداي شەكتەۋلەر جوق», - دەدٸ ەكرگەتيكا مينيسترٸگٸنٸڭ ٶكٸلٸ.
ونىڭ ايتۋىنشا, مينيسترلٸك رەسەي فەدەراتسيياسىنداعى ەرٸپتەستەرٸمەن قاجەتتٸ كٶلەمدە ديزەل يمپورتتاۋ مەسەلەسٸن پىسىقتاپ جاتىر.
