Senator Baýyrjan Qaniev Premer-Ministr Álihan Smaiylovtyń atyna joldaǵan depýtattyq saýalynda azyq-túlik qaýipsizdigi máseleleri men olardy sheshý tetikterin aitty, dep habarlaidy QazAqparat.
Depýtattyń aitýynsha, Aýyl sharýashylyǵy ministrliginiń boiynsha qazir elge sút ónimderiniń 23%-y, qus etiniń 38%-y, shujyq ónimderiniń 44%-y importtalady. Iaǵni, el importtyq ónimderge aitarlyqtai táýeldi, bul memlekettiń azyq-túlik qaýipsizdigine naqty qaýip tóndiredi.
Osyǵan bailanysty depýtat eldiń importqa táýeldiligin tómendetý, tamaq ónimderi óndirisin damytýdy qamtamasyz etý, eksport pen importtyń teńgerimdi qurylymyn saqtaý, sondai-aq azyq-túlikpen qamtamasyz etýdi turaqtandyrý úshin rezervtik qorlar qurýdy oryndy dep sanaidy.
«Elimizdiń azyq-túlik qaýipsizdigin qamtamasyz etý úshin memlekettik astyq resýrstaryn jáne basqa da aýyl sharýashylyǵy ónimderin qalyptastyrý, saqtaý jáne paidalaný máselelerin zańnamalyq turǵydan bekitýdi usynamyz. Sondai-aq, áleýmettik mańyzy bar azyq-túlik taýarlaryna shekti baǵany belgileý ári saýda ústemelerin 15%-dan 10%-ǵa deiin tómendetýdi jáne elde óndirilmeitin nemese syrtqy naryqtarda az mólsherde óndiriletin ónimderdi satyp alý tetigin engizýdi usynamyz», - dedi depýtat Senattyń jalpy otyrysynda.
