«Nur Otan» partiiasy Tóraǵasynyń birinshi orynbasary Baýyrjan Baibek shalǵai aýyldardaǵy qordalanyp qalǵan máselelerdi birge talqylaý úshin óńirlik bastaýysh partiia uiymdarynyń ókilderimen júzdesti, dep habarlaidy "Ult aqparat" saiasi uiymnyń baspasóz qyzmetine silteme jasap.
Partiia Tóraǵasynyń birinshi orynbasary Elbasynyń strategiialyq bastamalary men Memleket basshysynyń tapsyrmalaryn júzege asyrý aiasynda Úkimet 2026 jylǵa deiin aýyldardy qoldaý úshin 2 trillion teńge bólýdi kózdep otyrǵanyn aitty. 2021 jylǵa qarai 3477 aýyldy jańǵyrtyp, aýyz sýmen qamtyp, áleýmettik infraqurylymdardy jaqsartyp, joldy jóndeý men qurylys jumystaryna airyqsha kóńil bólýdi josparlap otyr.
«Búgin sizdermen ataýly mereke – Qazaqstan Respýblikasynyń Tuńǵysh Prezidenti kúni qarsańynda júzdesip otyrmyz. Bul qazaqstandyqtar úshin erekshe mereke. Táýelsizdik jyldarynda Elbasy etnikaaralyq kelisimniń biregei úlgisin jasady, bir milionnan astam qazaqtar tarihi otanyna oraldy. Nursultan Nazarbaevtyń arqasynda bizdiń barlyq shekaramyz shegendeldi. Qysqa ýaqyt ishinde elimiz qajetti naryqtyq reformalardy júzege asyrdy. Eger de 90-shy jyldary qazaqstandyqtardyń 30%-ynyń turmys-tirshiligi nashar bolsa, qazir bul kórsetkish 4,6%-ǵa deiin tómendedi», - dep atap ótti Baýyrjan Baibek.
Partiia Tóraǵasy birinshi orynbasarynyń aitýynsha, bastaýysh partiia uiymdary «Nur Otan»-nyń - basty tiregi, qozǵaýshy kúshi. Partiianyń belsendi múshelerin jumyldyrý men jańa tulǵalardy tartý maqsatynda 14 óńirde pilottyq rejimde partiialyq kadrlyq rezervke irikteý júrgizildi.
«Eger de qoǵamda dialog bolmasa, senim de bolmaidy. Senim joq jerde, bolashaqqa nyq qadam jasai almaimyz. Sondyqtan Elbasy «Senim. Dialog.Bolashaqqa nyq qadam» dep atalatyn partiiany qaita jańǵyrtýdyń baǵdarlamasyna bastamashy boldy. «Nur Otan» partiiasynyń basty maqsaty – osylardyń basyn biriktirý. Áleýmettik júieni jetildirip, el qamyn oilap, halyqtyń ómirin jaqsarta túskisi keletinderdi partiiaǵa tartý. Búgingi tańda Prezident Qasym-Jomart Toqaevtyń tapsyrmasyna orai óńirlerdi damytýǵa aitarlyqtai qarajat bólinýde. Partiia Lideri Nursultan Nazarbaev aitqandai, «Nur Otan» óz tarapynan biýdjet qarjysynyń jumsalýyna qatań baqylaýdy qamtamasyz etedi», - dedi Baýyrjan Baibek.
Batys Qazaqtan oblysy, Aqjaiyq aýdanynan kelgen partiialyq Gúlnar Gilmanova óz sózinde táýelsizdiktiń alǵashqy jyldarynda halyqtyń qandai aýyrtpalyqty basynan ótkergenin tilge tiek etti.
«Adamdardyń jalaqysy keshiktirilip, olar balalaryn qalai asyraryn, qalai kiindirerin bilmei qinaldy. Ýaqyt óte kele qarapaiym halyqtyń jaǵdaiy jaqsara tústi. Erteńgi kúnge degen senim paida boldy: Biz kúieýimiz ekeýmiz tórt balany tárbielip jatyrmyz», - dedi ol.
Óz sózinde Aqmola oblysy, Esil aýdanynan kelgen Bekzat Baimuratov partiialyq kadrlyq rezerv pilottyq jobasynyń talai jasqa jol ashyp bergenine toqtaldy.
«Men - 25 jastamyn. Buryn men partiiaǵa nemquraily qaraitynmyn. Partiialyq kadrlyq rezervke irikteý bastamasy meniń qyzyǵýshylyǵymdy týǵyzdy. Bizdiń aýdannan ǵana 61 úmitker qatysty, olardyń ishinde men de barmyn. Biz jeti aýylda bolyp, turǵyndarmen kezdesip, olardyń problemasyn tyńdadyq. Endi ony sheshýdiń jolyn birge oilastyramyz», - dedi Berik Baimuratov.
