«Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك شالعاي اۋىلدارداعى قوردالانىپ قالعان مەسەلەلەردٸ بٸرگە تالقىلاۋ ٷشٸن ٶڭٸرلٸك باستاۋىش پارتييا ۇيىمدارىنىڭ ٶكٸلدەرٸمەن جٷزدەستٸ, دەپ حابارلايدى "ۇلت اقپارات" ساياسي ۇيىمنىڭ باسپاسٶز قىزمەتٸنە سٸلتەمە جاساپ.
پارتييا تٶراعاسىنىڭ بٸرٸنشٸ ورىنباسارى ەلباسىنىڭ ستراتەگييالىق باستامالارى مەن مەملەكەت باسشىسىنىڭ تاپسىرمالارىن جٷزەگە اسىرۋ اياسىندا ٷكٸمەت 2026 جىلعا دەيٸن اۋىلداردى قولداۋ ٷشٸن 2 تريلليون تەڭگە بٶلۋدٸ كٶزدەپ وتىرعانىن ايتتى. 2021 جىلعا قاراي 3477 اۋىلدى جاڭعىرتىپ, اۋىز سۋمەن قامتىپ, ەلەۋمەتتٸك ينفراقۇرىلىمداردى جاقسارتىپ, جولدى جٶندەۋ مەن قۇرىلىس جۇمىستارىنا ايرىقشا كٶڭٸل بٶلۋدٸ جوسپارلاپ وتىر.
«بٷگٸن سٸزدەرمەن اتاۋلى مەرەكە – قازاقستان رەسپۋبليكاسىنىڭ تۇڭعىش پرەزيدەنتٸ كٷنٸ قارساڭىندا جٷزدەسٸپ وتىرمىز. بۇل قازاقستاندىقتار ٷشٸن ەرەكشە مەرەكە. تەۋەلسٸزدٸك جىلدارىندا ەلباسى ەتنيكاارالىق كەلٸسٸمنٸڭ بٸرەگەي ٷلگٸسٸن جاسادى, بٸر ميليوننان استام قازاقتار تاريحي وتانىنا ورالدى. نۇرسۇلتان نازارباەۆتىڭ ارقاسىندا بٸزدٸڭ بارلىق شەكارامىز شەگەندەلدٸ. قىسقا ۋاقىت ٸشٸندە ەلٸمٸز قاجەتتٸ نارىقتىق رەفورمالاردى جٷزەگە اسىردى. ەگەر دە 90-شى جىلدارى قازاقستاندىقتاردىڭ 30%-ىنىڭ تۇرمىس-تٸرشٸلٸگٸ ناشار بولسا, قازٸر بۇل كٶرسەتكٸش 4,6%-عا دەيٸن تٶمەندەدٸ», - دەپ اتاپ ٶتتٸ باۋىرجان بايبەك.
پارتييا تٶراعاسى بٸرٸنشٸ ورىنباسارىنىڭ ايتۋىنشا, باستاۋىش پارتييا ۇيىمدارى «Nur Otan»-نىڭ - باستى تٸرەگٸ, قوزعاۋشى كٷشٸ. پارتييانىڭ بەلسەندٸ مٷشەلەرٸن جۇمىلدىرۋ مەن جاڭا تۇلعالاردى تارتۋ ماقساتىندا 14 ٶڭٸردە پيلوتتىق رەجيمدە پارتييالىق كادرلىق رەزەرۆكە ٸرٸكتەۋ جٷرگٸزٸلدٸ.
«ەگەر دە قوعامدا ديالوگ بولماسا, سەنٸم دە بولمايدى. سەنٸم جوق جەردە, بولاشاققا نىق قادام جاساي المايمىز. سوندىقتان ەلباسى «سەنٸم. ديالوگ.بولاشاققا نىق قادام» دەپ اتالاتىن پارتييانى قايتا جاڭعىرتۋدىڭ باعدارلاماسىنا باستاماشى بولدى. «Nur Otan» پارتيياسىنىڭ باستى ماقساتى – وسىلاردىڭ باسىن بٸرٸكتٸرۋ. ەلەۋمەتتٸك جٷيەنٸ جەتٸلدٸرٸپ, ەل قامىن ويلاپ, حالىقتىڭ ٶمٸرٸن جاقسارتا تٷسكٸسٸ كەلەتٸندەردٸ پارتيياعا تارتۋ. بٷگٸنگٸ تاڭدا پرەزيدەنت قاسىم-جومارت توقاەۆتىڭ تاپسىرماسىنا وراي ٶڭٸرلەردٸ دامىتۋعا ايتارلىقتاي قاراجات بٶلٸنۋدە. پارتييا ليدەرٸ نۇرسۇلتان نازارباەۆ ايتقانداي, «Nur Otan» ٶز تاراپىنان بيۋدجەت قارجىسىنىڭ جۇمسالۋىنا قاتاڭ باقىلاۋدى قامتاماسىز ەتەدٸ», - دەدٸ باۋىرجان بايبەك.
باتىس قازاقتان وبلىسى, اقجايىق اۋدانىنان كەلگەن پارتييالىق گٷلنار گيلمانوۆا ٶز سٶزٸندە تەۋەلسٸزدٸكتٸڭ العاشقى جىلدارىندا حالىقتىڭ قانداي اۋىرتپالىقتى باسىنان ٶتكەرگەنٸن تٸلگە تيەك ەتتٸ.
«ادامداردىڭ جالاقىسى كەشٸكتٸرٸلٸپ, ولار بالالارىن قالاي اسىرارىن, قالاي كيٸندٸرەرٸن بٸلمەي قينالدى. ۋاقىت ٶتە كەلە قاراپايىم حالىقتىڭ جاعدايى جاقسارا تٷستٸ. ەرتەڭگٸ كٷنگە دەگەن سەنٸم پايدا بولدى: بٸز كٷيەۋٸمٸز ەكەۋمٸز تٶرت بالانى تەربيەلٸپ جاتىرمىز», - دەدٸ ول.
ٶز سٶزٸندە اقمولا وبلىسى, ەسٸل اۋدانىنان كەلگەن بەكزات بايمۇراتوۆ پارتييالىق كادرلىق رەزەرۆ پيلوتتىق جوباسىنىڭ تالاي جاسقا جول اشىپ بەرگەنٸنە توقتالدى.
«مەن - 25 جاستامىن. بۇرىن مەن پارتيياعا نەمقۇرايلى قارايتىنمىن. پارتييالىق كادرلىق رەزەرۆكە ٸرٸكتەۋ باستاماسى مەنٸڭ قىزىعۋشىلىعىمدى تۋعىزدى. بٸزدٸڭ اۋداننان عانا 61 ٷمٸتكەر قاتىستى, ولاردىڭ ٸشٸندە مەن دە بارمىن. بٸز جەتٸ اۋىلدا بولىپ, تۇرعىندارمەن كەزدەسٸپ, ولاردىڭ پروبلەماسىن تىڭدادىق. ەندٸ ونى شەشۋدٸڭ جولىن بٸرگە ويلاستىرامىز», - دەدٸ بەرٸك بايمۇراتوۆ.
