Foto: ashyq derekkóz
Reseidiń Chita qalasynda ótken XII Zabaikale halyqaralyq kinofestivalinde qazaqstandyq rejissior Ashat Kúchincherekovtyń «Baýyryna salý» kartinasy «Jańa kózqaras» konkýrsynyń úzdik filmi retinde tanyldy, dep habarlaidy Ult.kz.
Film Qazaqstan Respýblikasy Mádeniet jáne aqparat ministrligi men Ulttyq kinony qoldaý memlekettik ortalyǵynyń qoldaýymen túsirilgen.
«Baýyryna salý» filmi ájesiniń tárbiesinde ósken balanyń taǵdyryn baiandaidy. Filmde kóne qazaq dástúri – baýyryna salý aiqyn kórinis tabady. Ájesi qaitys bolǵan soń bala ata-anasyna oralyp, olarmen qaita bailanys ornatýǵa tyrysady. Bul – rejissiordiń óz basynan ótken oqiǵalarǵa negizdelgen týyndy.
Aita ketý kerek, «Baýyryna salý» filmi buǵan deiin de halyqaralyq deńgeide joǵary baǵalanǵan. Ol Asia Pacific Screen Awards baiqaýynda úzdik jasóspirimder filmi atandy, Ázerbaijanda ótken Baku International Film Festival-diń bas júldesin ielendi, Frantsiiadaǵy Cinema Heritage Festival-de arnaiy marapatqa ie boldy. Sondai-aq filmniń operatory Janarbek Eleýbek Asia World Film Festival-de «Úzdik operator» nominatsiiasy boiynsha marapattaldy.
Film Qazaqstan atynan 2025 jylǵy «Oskar» syilyǵyna «Shetel tilindegi úzdik film» sanatynda resmi túrde usynylǵan bolatyn.
