«باۋىرىنا سالۋ» كارتيناسى حالىقارالىق فەستيۆالدە ٷزدٸك فيلم دەپ تانىلدى

فوتو: اشىق دەرەككٶز

رەسەيدٸڭ چيتا قالاسىندا ٶتكەن XII زابايكالە حالىقارالىق كينوفەستيۆالٸندە قازاقستاندىق رەجيسسيور اسحات كٷچينچەرەكوۆتىڭ «باۋىرىنا سالۋ» كارتيناسى «جاڭا كٶزقاراس» كونكۋرسىنىڭ ٷزدٸك فيلمٸ رەتٸندە تانىلدى, دەپ حابارلايدى Ult.kz.

فيلم قازاقستان رەسپۋبليكاسى مەدەنيەت جەنە اقپارات مينيسترلٸگٸ مەن ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن تٷسٸرٸلگەن.

«باۋىرىنا سالۋ» فيلمٸ ەجەسٸنٸڭ تەربيەسٸندە ٶسكەن بالانىڭ تاعدىرىن باياندايدى. فيلمدە كٶنە قازاق دەستٷرٸ – باۋىرىنا سالۋ ايقىن كٶرٸنٸس تابادى. ەجەسٸ قايتىس بولعان سوڭ بالا اتا-اناسىنا ورالىپ, ولارمەن قايتا بايلانىس ورناتۋعا تىرىسادى. بۇل – رەجيسسيوردٸڭ ٶز باسىنان ٶتكەن وقيعالارعا نەگٸزدەلگەن تۋىندى.

ايتا كەتۋ كەرەك, «باۋىرىنا سالۋ» فيلمٸ بۇعان دەيٸن دە حالىقارالىق دەڭگەيدە جوعارى باعالانعان. ول Asia Pacific Screen Awards بايقاۋىندا ٷزدٸك جاسٶسپٸرٸمدەر فيلمٸ اتاندى, ەزەربايجاندا ٶتكەن Baku International Film Festival-دٸڭ باس جٷلدەسٸن يەلەندٸ, فرانتسيياداعى Cinema Heritage Festival-دە ارنايى ماراپاتقا يە بولدى. سونداي-اق فيلمنٸڭ وپەراتورى جاناربەك ەلەۋبەك Asia World Film Festival-دە «ٷزدٸك وپەراتور» نوميناتسيياسى بويىنشا ماراپاتتالدى.

فيلم قازاقستان اتىنان 2025 جىلعى «وسكار» سىيلىعىنا «شەتەل تٸلٸندەگٸ ٷزدٸك فيلم» ساناتىندا رەسمي تٷردە ۇسىنىلعان بولاتىن.