Koronavirýspen kúreste aldyńǵy shepte júrgen meditsina qyzmetkerleri «Aqjaiyq» shipajaiynda demalyp, em qabyldap jatyr, dep habarlaidy "Ult aqparat".
Oblys ákimi Ǵali Esqalievtiń usynysymen dárigerlerdi «Aqjaiyq» shipajaiynda tegin demaldyrý jóninde sheshim qabyldandy.
Terekti aýdany aýmaǵynda Jaiyq ózeni jaǵalaýynda, ormandy jerde ornalasqan «Aqjaiyq» shipajaiy áýelden elge keńinen tanymal.
Shipajai direktory Albert Safiýllinniń aitýynsha, qazirdiń ózinde toǵyz dáriger demalyp úlgerdi. Kúni búgin 21 meditsina qyzmetkeri em alýda.
Juqpaly aýrýlar aýrýhanasy men provizorlyq statsionarlarda qaýip-qaterge qaramai, kún-tún demei eńbek etip júrgen dárigerler (barlyǵy 200-dei) demalysqa shyqqan kezinde qyrkúiek aiynyń aiaǵyna deiin qabyldanatyn bolady.
Eki adamdyq bólmede jatatyn kelýshiler tiisti em-dom qabyldaidy. Klýbta uiymdastyrylatyn mádeni sharalarǵa qatysyp, biliard, tennis oinaidy. Saýna men basseinge de túse alady.
Osylaisha densaýlyǵyn shyńdap, tynyqqan meditsina qyzmetkerleri óz qyzmetterine qaita oralatyn bolady.
