كوروناۆيرۋسپەن كٷرەستە الدىڭعى شەپتە جٷرگەن مەديتسينا قىزمەتكەرلەرٸ «اقجايىق» شيپاجايىندا دەمالىپ, ەم قابىلداپ جاتىر, دەپ حابارلايدى "ۇلت اقپارات".
وبلىس ەكٸمٸ عالي ەسقاليەۆتٸڭ ۇسىنىسىمەن دەرٸگەرلەردٸ «اقجايىق» شيپاجايىندا تەگٸن دەمالدىرۋ جٶنٸندە شەشٸم قابىلداندى.
تەرەكتٸ اۋدانى اۋماعىندا جايىق ٶزەنٸ جاعالاۋىندا, ورماندى جەردە ورنالاسقان «اقجايىق» شيپاجايى ەۋەلدەن ەلگە كەڭٸنەن تانىمال.
شيپاجاي ديرەكتورى البەرت سافيۋلليننٸڭ ايتۋىنشا, قازٸردٸڭ ٶزٸندە توعىز دەرٸگەر دەمالىپ ٷلگەردٸ. كٷنٸ بٷگٸن 21 مەديتسينا قىزمەتكەرٸ ەم الۋدا.
جۇقپالى اۋرۋلار اۋرۋحاناسى مەن پروۆيزورلىق ستاتسيونارلاردا قاۋٸپ-قاتەرگە قاراماي, كٷن-تٷن دەمەي ەڭبەك ەتٸپ جٷرگەن دەرٸگەرلەر (بارلىعى 200-دەي) دەمالىسقا شىققان كەزٸندە قىركٷيەك ايىنىڭ اياعىنا دەيٸن قابىلداناتىن بولادى.
ەكٸ ادامدىق بٶلمەدە جاتاتىن كەلۋشٸلەر تيٸستٸ ەم-دوم قابىلدايدى. كلۋبتا ۇيىمداستىرىلاتىن مەدەني شارالارعا قاتىسىپ, بيليارد, تەننيس وينايدى. ساۋنا مەن باسسەينگە دە تٷسە الادى.
وسىلايشا دەنساۋلىعىن شىڭداپ, تىنىققان مەديتسينا قىزمەتكەرلەرٸ ٶز قىزمەتتەرٸنە قايتا ورالاتىن بولادى.
