Batys Qazaqstan, Atyraý jáne Aqtóbe oblystarynda jergilikti mańyzdaǵy joldardyń sapasy tómen. Bul týraly Indýstriia jáne infraqurylymdyq damý ministri Beibit Atamqulov Úkimet otyrysynda aitty, dep habarlaidy QazAqparat.
«Jergilikti joldar uzyndyǵy 71 myń shaqyrymdy quraidy. Atqarylǵan jumystar esebinen ótken jyldary jergilikti joldardyń 75 paiyzy (53 myń shaqyrym) normativtik jaǵdaiǵa keltirildi. Búginde óńirler arasyndaǵy oblystyq jáne aýdandyq joldardyń jaǵdaiy ártúrli. Máselen, eń tómen kórsetkishter - Batys Qazaqstan, Atyraý jáne Aqtóbe oblystarynda», - dedi ministr.
Vedomostvo basshysy Mańǵystaý, Jambyl, Pavlodar, Shyǵys Qazaqstan, Almaty, Qaraǵandy, Túrkistan oblystarynda joldardy jaqsartýǵa qarjy bólý kezinde tepe-teńdik qaǵidaty saqtalmaitynyn atap ótti.
«Biyl jergilikti joldar jelisin damytýǵa – 119 mlrd teńge qarastyrylǵan. Onyń ishinde respýblikalyq biýdjetten – 52 mlrd teńge, jergilikit biýdjetterden - 67 mlrd teńge. Bólingen qarajat esebinen jol jóndeý jumystarynyń barlyq túrimen 1,3 myń shaqyrym jol qamtylady. 150 shaqyrym jańadan salynsa, 1 150 shaqyrym jol kúrdeli jóndeýden ótedi», - dedi Beibit Atamqulov.
