باتىس قازاقستان, اتىراۋ جەنە اقتٶبە وبلىستارىندا جەرگٸلٸكتٸ ماڭىزداعى جولداردىڭ ساپاسى تٶمەن. بۇل تۋرالى يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ٷكٸمەت وتىرىسىندا ايتتى, دەپ حابارلايدى قازاقپارات.
«جەرگٸلٸكتٸ جولدار ۇزىندىعى 71 مىڭ شاقىرىمدى قۇرايدى. اتقارىلعان جۇمىستار ەسەبٸنەن ٶتكەن جىلدارى جەرگٸلٸكتٸ جولداردىڭ 75 پايىزى (53 مىڭ شاقىرىم) نورماتيۆتٸك جاعدايعا كەلتٸرٸلدٸ. بٷگٸندە ٶڭٸرلەر اراسىنداعى وبلىستىق جەنە اۋداندىق جولداردىڭ جاعدايى ەرتٷرلٸ. مەسەلەن, ەڭ تٶمەن كٶرسەتكٸشتەر - باتىس قازاقستان, اتىراۋ جەنە اقتٶبە وبلىستارىندا», - دەدٸ مينيستر.
ۆەدوموستۆو باسشىسى ماڭعىستاۋ, جامبىل, پاۆلودار, شىعىس قازاقستان, الماتى, قاراعاندى, تٷركٸستان وبلىستارىندا جولداردى جاقسارتۋعا قارجى بٶلۋ كەزٸندە تەپە-تەڭدٸك قاعيداتى ساقتالمايتىنىن اتاپ ٶتتٸ.
«بيىل جەرگٸلٸكتٸ جولدار جەلٸسٸن دامىتۋعا – 119 ملرد تەڭگە قاراستىرىلعان. ونىڭ ٸشٸندە رەسپۋبليكالىق بيۋدجەتتەن – 52 ملرد تەڭگە, جەرگٸلٸكٸت بيۋدجەتتەردەن - 67 ملرد تەڭگە. بٶلٸنگەن قاراجات ەسەبٸنەن جول جٶندەۋ جۇمىستارىنىڭ بارلىق تٷرٸمەن 1,3 مىڭ شاقىرىم جول قامتىلادى. 150 شاقىرىم جاڭادان سالىنسا, 1 150 شاقىرىم جول كٷردەلٸ جٶندەۋدەن ٶتەدٸ», - دەدٸ بەيبٸت اتامقۇلوۆ.
