Memlekettik shekaradan úsh shaqyrym qashyqtyqta zymyrannyń bir bóligi tabyldy, dep habarlaidy "Ult aqparat" «Moi gorod» portalyna silteme jasap.
Belgili bolǵandai, zymyrannyń bir bóligi 30 qańtar kúni BQO Bókei ordasy aýdanynda, memlekettik shekaradan úsh shaqyrym qashyqtyqtaǵy «Molodost» jaiaý júrginshiler jolaǵyna qulaǵan. Aýdan ákimi Nurlan Raqymjanov bul aqparatty rastady.
«Bul janarmai quiatyn bag bolýy múmkin, ony 30 qańtarda shekara qyzmetkerleri tapty. Keshe Resei oqý-jattyǵý ótkizdi, zymyrannyń bir bóligi sol jaqtan ushyp kelýi múmkin. Oqiǵa ornynda jedel top jumys istep jatyr. Eshkim zardap shekken joq», - dep habarlady Nurlan Raqymjanov.
Qosymsha aqparat mamandardyń jumysynan keiin belgili bolady.
