Batys Qazaqstan oblysynda jol-kólik oqiǵasynan er adam qaza tapty, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa 18 qańtar kúni Aqjaiyq aýdany aýmaǵynda boldy.
Saǵat 14.18-de Oral-Atyraý jolynyń 102-shaqyrymynda 1974 jylǵy júrgizýshi «Iveko» avtokóliginiń rýline ie bola almai, jol jiegine túsip ketken.
Sonyń saldarynan avtokólikte otyrǵan jolaýshy trassalyq meditsinalyq-qutqarý beketi qyzmetkerleri kelgenshe alǵan jaraqattarynan oqiǵa ornynda kóz jumdy.
Júrgizýshige meditsinalyq kómek kórsetildi.
Sondai-aq 19 qańtar kúni saǵat 03.38-de Aqjaiyq aýdany Jambyl aýyldyq okrýgi Bitik aýyly mańynda «»Folksvagen Passat» avtokóligi jol jiegine túsip ketken.
Trassalyq meditsinalyq-qutqarý beketiniń kúshimen 4 adam (ekeýi – bala) qutqarylyp, aýdandyq ortalyq aýrýhanaǵa jetkizildi. Kólik júrgizýshisi meditsinalyq kómekti qajetsinbedi.
BQO TJ departamenti asa qajettilik bolmasa, aýa raiynyń qolaisyz kezinde alys jolǵa shyqpaý, eger tótenshe jaǵdai týyndasa, 112, 101 telefondaryna habarlasý kerektigin eskertedi.
