باتىس قازاقستان وبلىسىندا جول-كٶلٸك وقيعاسىنان ەر ادام قازا تاپتى, دەپ حابارلايدى "ۇلت اقپارات".
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 18 قاڭتار كٷنٸ اقجايىق اۋدانى اۋماعىندا بولدى.
ساعات 14.18-دە ورال-اتىراۋ جولىنىڭ 102-شاقىرىمىندا 1974 جىلعى جٷرگٸزۋشٸ «يۆەكو» اۆتوكٶلٸگٸنٸڭ رۋلٸنە يە بولا الماي, جول جيەگٸنە تٷسٸپ كەتكەن.
سونىڭ سالدارىنان اۆتوكٶلٸكتە وتىرعان جولاۋشى تراسسالىق مەديتسينالىق-قۇتقارۋ بەكەتٸ قىزمەتكەرلەرٸ كەلگەنشە العان جاراقاتتارىنان وقيعا ورنىندا كٶز جۇمدى.
جٷرگٸزۋشٸگە مەديتسينالىق كٶمەك كٶرسەتٸلدٸ.
سونداي-اق 19 قاڭتار كٷنٸ ساعات 03.38-دە اقجايىق اۋدانى جامبىل اۋىلدىق وكرۋگٸ بٸتٸك اۋىلى ماڭىندا «»فولكسۆاگەن پاسسات» اۆتوكٶلٸگٸ جول جيەگٸنە تٷسٸپ كەتكەن.
تراسسالىق مەديتسينالىق-قۇتقارۋ بەكەتٸنٸڭ كٷشٸمەن 4 ادام (ەكەۋٸ – بالا) قۇتقارىلىپ, اۋداندىق ورتالىق اۋرۋحاناعا جەتكٸزٸلدٸ. كٶلٸك جٷرگٸزۋشٸسٸ مەديتسينالىق كٶمەكتٸ قاجەتسٸنبەدٸ.
بقو تج دەپارتامەنتٸ اسا قاجەتتٸلٸك بولماسا, اۋا رايىنىڭ قولايسىز كەزٸندە الىس جولعا شىقپاۋ, ەگەر تٶتەنشە جاعداي تۋىنداسا, 112, 101 تەلەفوندارىنا حابارلاسۋ كەرەكتٸگٸن ەسكەرتەدٸ.
