Bókei ordasy aýdanynyń ortalyǵy Saiqyn aýylynda qos qabatty úidiń qabyrǵasyna Jáńgir hannyń beinesi salyndy, dep habarlaidy "Ult aqparat".
Ortalyq kóshedegi úidi qabyrǵasynda Jáńgir hanmen birge toǵai men Han ordasy mýzei-qoryǵynyń sýretteri de kórinis tapty.
Mýraldyń avtorlary – oraldyq sýretshiler Iakov pen Daria Polishýk.
Aýdan ákimi Nurlan Rahymjanovtyń aitýynsha, Bókei handyǵynyń qurylǵanyna 2021 jyly 220 jyl, Jáńgir han mektebine 180 jyl tolmaqshy.
Bókei sultan qolastyndaǵy halqymen birge 1801 jyly Edil-Jaiyq aralyǵyna ótip, handyqtyń negizin qalap, 1815 jylǵa deiin basqardy. Onyń uly Jáńgir han Jasqus qumyna óz ordasyn saldyryp, qaraýyndaǵy eldi otyryqshy ómirge, eýropalyq órkenietke úndep, sol baǵytta kóptegen ister tyndyrdy.
«Aýdan ortalyǵyndaǵy Jáńgir han beinesi – osy mereitoilar qarsańyndaǵy bastapqy jumystardyń biri», dedi N.Rahymjanov.
