بٶكەي ورداسى اۋدانىنىڭ ورتالىعى سايقىن اۋىلىندا قوس قاباتتى ٷيدٸڭ قابىرعاسىنا جەڭگٸر حاننىڭ بەينەسٸ سالىندى, دەپ حابارلايدى "ۇلت اقپارات".
ورتالىق كٶشەدەگٸ ٷيدٸ قابىرعاسىندا جەڭگٸر حانمەن بٸرگە توعاي مەن حان ورداسى مۋزەي-قورىعىنىڭ سۋرەتتەرٸ دە كٶرٸنٸس تاپتى.
مۋرالدىڭ اۆتورلارى – ورالدىق سۋرەتشٸلەر ياكوۆ پەن داريا پوليششۋك.
اۋدان ەكٸمٸ نۇرلان راحىمجانوۆتىڭ ايتۋىنشا, بٶكەي حاندىعىنىڭ قۇرىلعانىنا 2021 جىلى 220 جىل, جەڭگٸر حان مەكتەبٸنە 180 جىل تولماقشى.
بٶكەي سۇلتان قولاستىنداعى حالقىمەن بٸرگە 1801 جىلى ەدٸل-جايىق ارالىعىنا ٶتٸپ, حاندىقتىڭ نەگٸزٸن قالاپ, 1815 جىلعا دەيٸن باسقاردى. ونىڭ ۇلى جەڭگٸر حان جاسقۇس قۇمىنا ٶز ورداسىن سالدىرىپ, قاراۋىنداعى ەلدٸ وتىرىقشى ٶمٸرگە, ەۋروپالىق ٶركەنيەتكە ٷندەپ, سول باعىتتا كٶپتەگەن ٸستەر تىندىردى.
«اۋدان ورتالىعىنداعى جەڭگٸر حان بەينەسٸ – وسى مەرەيتويلار قارساڭىنداعى باستاپقى جۇمىستاردىڭ بٸرٸ», دەدٸ ن.راحىمجانوۆ.
