"Ulttyq qaýipsizdik komiteti 12-30 tamyz aralyǵynda Aqtóbe jáne Batys Qazaqstan oblystary aýmaǵynda úsh radikaldy toptyń is-áreketterine tosqaýyl qoidy, - dep habarlaidy", - "Ult-aqparat" Qazaqstan Respýblikasy UQK Baspasóz qyzmetine silteme jasap.
Nátijesinde radikaldardyń quqyq qorǵaý qyzmetkerlerine shabýyldar jasaý, sondai-aq halyq kóp shoǵyrlanatyn oryndarda terrorizm aktileriniń jasaý josparlaryn iske asyrý nietteri buzyldy.
Top músheleriniń turǵylyqty mekenjailaryn tintý barysynda birneshe atys qarýy jáne oǵan qajetti oq-dáriler, trotil, qoldan jasalǵan jarylǵysh zat, sýyq qarý, ekstremistik mazmundaǵy baspa jáne aýdio materialdar, halyqaralyq terroristik uiymdardyń tólbelgileri alyndy.
Buǵan qosa, top músheleriniń birinen óz is-áreketterin qarjylandyrý maqsatynda teńgelik jalǵan aqshalar, arnaiy qaǵaz, kompiýterlik jáne kóbeitý tehnikasy tabyldy.
"Kórsetilgen top múshelerine qatysty QR Qylmystyq kodeksiniń 174 («Áleýmettik, ulttyq, rýlyq, násildik,tektik-toptyq nemese dini alaýyzdyqty qozdyrý»), 256 ("Terrorizmdi nasihattaý nemese terrorizm aktisinjasaýǵa jariia túrde shaqyrý"), 257 ("Terroristik top qurý jáne onyń qyzmetine qatysý»), 231 («Jalǵan aqsha nemese baǵaly qaǵazdar jasaý, saqtaý, alyp ótý nemese ótkizý»), 287 ("Qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý"), 288 ("Qarýdy zańsyz jasaý") baptary boiynsha sotqa deiingi tergeý sharalary júrgizilýde", - delingen habarlamada.
Sot sanktsiiasyna sáikes, Batys Qazaqstan oblysynyń 10 turǵyny jáne Aqtóbe oblysynyń 11 turǵyny qamaýǵa alyndy. Tergeý amaldary jalǵasyp jatyr.
Ult portaly
