Batys Qazaqstan oblysynda toǵyz mektep karantinge jabyldy, dep habarlaidy BQO sanitarlyq-epidemiologiialyq baqylaý departamentiniń baspasóz qyzmeti.
8 aqpannan beri 7 oqýshy men 6 muǵalimnen koronavirýs tabyldy.
Soǵan bailanysty qalada 4, aýdandarda 5 mektep karantinge jabyldy.
Sondai-aq Oralda balabaqsha tárbieshisiniń koronavirýs juqtyrǵany anyqtaldy. Munda sol topqa karantin qoiyldy.
BQO bas memlekettik sanitar dárigeriniń 8 aqpanda kúshine engen qaýlysyna sáikes oqýshylar nemese qyzmetkerler arasynan bir adamnan koronavirýs tirkelgen kezde sol mektep túgel inkýbatsiialyq kezeń aiaqtalǵanǵa deiin, iaǵni 14 kúnge karantinge jabylady. Oǵan deiin indet shyqqan synyp qana karantinge jabylatyn.
Óńirde epidemiologiialyq ahýal áli de turaqsyz bolyp otyr.
8 aqpan kúni 51 adamnan indet anyqtalyp, azaiǵanymen, 9-ynda 84, 10-ynda 87 jaǵdai tirkeldi.
Eske sala keteiik, budan buryn BQO-da karantin talabyn buzǵandarǵa 3 mln teńgeden astam aiyppul salynǵanyn jazǵan bolatynbyz.
