Batys Qazaqstan oblysynda sońǵy tórt kúnde 252 adam koronavirýs juqtyrǵan, dep habarlaidy "Ult aqparat".
BQO sanitarlyq-epidemiologiialyq baqylaý departamentiniń baspasóz qyzmeti málim etkenindei, 11-14 aqpan aralyǵynda tirkelgenderdiń 175-inde aýrý belgileri bolsa, qalǵan 77-sinde simptomy joq.
Sonyń ishinde JRVI belgileri boiynsha tekserilgen 130, buryn aýyrǵandarmen qarym-qatynasta bolǵan 93, profilaktikalyq maqsatta qaralǵan 22, statsionarǵa emdeýge jatqyzý aldynda synama alynǵan 7 adamnan indet tabyldy.
Tórt kúnde syrqattanǵandardyń 151-i, iaǵni basym kópshiligi Oral qalasynda anyqtalǵan.
Sondai-aq Bórli aýdanynda 28, Báiterekte 26, Terektide 17 adamnyń aýyrǵany belgili boldy.
Indet bastalǵannan beri oblysta 12 124 naýqas tirkelip, sonyń 9 682-si jazylyp shyqty. 199 adam qaitys boldy.
BQO «sary» aimaqta turǵanymen, epidemiologiialyq ahýal áli de turaqsyz bolyp otyr.
