Batys Qazaqstan oblysynda sońǵy aptada aldyńǵymen salystyrǵanda koronavirýs juqtyrý kórsetkishi 8 paiyzǵa (79-ǵa) azaidy, dep habarlaidy "Ult aqparat".
BQO densaýlyq saqtaý basqarmasy málim etkenindei, sońǵy táýlikte 108 adamnan indet tabylsa, 44 naýqas jazylyp shyqty.
Indet bastalǵaly 20577 adam (11956-sy – aýrý belgisi barlar, 8622-si – simptomy joqtar) tirkelip, sonyń 15937-si saýyǵyp shyqty. 294 naýqas kóz jumdy.
Jyl basynan beri 11356 adamnan anyqtalsa, sonyń 58 paiyzy (6589-y) Oral qalasy, 12,7 paiyzy (1447-si) Báiterek, 10,9 paiyzy (1242-si) Bórli aýdanynyń úlesine tiedi.
Basqarma málimetine qaraǵanda, oblysta 18 infektsiialyq statsionar 47,1 paiyzǵa tolǵan (1123 orynda 529 naýqas jatyr).
Sonyń ishinde qalada 600 tósektik 5 aýrýhanada 436 adam (72,6 paiyz) emdelýde. 72 tósektik jansaqtaý bólimshesinde 31 naýqas (43,1 paiyz) jatyr.
«Óńirde turǵyndardy koronavirýsqa qarsy egý jumystary jalǵasýda. Búgin Oral qalasyndaǵy «Máskeý» bazary aýmaǵynda da egý kabineti ashyldy», dep habarlady vedomstvodan.
