Batys Qazaqstan oblysynda sáýir aiynda 3 myńǵa jýyq adam koronavirýs juqtyrdy, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń óńirlik kommýnikatsiialar qyzmeti alańynda málim etkenindei, jyl basynan beri 8 883 naýqas tirkelse, sonyń 1 837-si qańtarda, 1 950-i aqpanda, 2 138-i naýryzda, 2 958-i sáýirde anyqtalǵan.
Nurlybek Ermekulynyń sózine qaraǵanda, sáýir aiynda syrqattanǵandardyń 1 623-i nemese 54,8 paiyzynan JRVI belgileri boiynsha tekserilgende, indet tabylsa, 832-si (28,1 paiyzy) buryn aýyrǵandarmen bailanysta bolǵan. 458-inen (15,4 paiyz) profilaktikalyq maqsatta, 45-inen (1,5 paiyz) statsionarǵa jatqyzar aldynda synama alynǵan.
Osy aida KVI juqtyrǵandarmen qarym-qatynastaǵy 4 494 adam meditsinalyq baqylaýǵa alyndy.
Sońǵy aptada (16-22 sáýir) aldyńǵymen (9-15 sáýir) salystyrǵanda, indet juqtyrý kórsetkishi 34 paiyzǵa (832-den 1262-ge) ósip ketip otyr.
Aýyrǵandardyń 1071-i (36,2 paiyzy) – jumys isteitinder, 739-y (24,9 paiyzy) – zeinetkerler, 678-i (22,9 paiyzy) – jumyssyzdar, 212-si (7,1 paiyzy) – oqýshylar, 60-y (2 paiyzy) – meditsina qyzmetkerleri, 62-si (2 paiyzy) – muǵalimder.
«Tórtinshi toqsanda 1 sáýirden beri 210 oqýshydan (88-i dástúrli sipatta, 122-si qashyqtan bilim alady) KVI tabyldy. Qazirgi tańda qala men aýdandardyń bas memlekettik sanitar dárigerleriniń qaýlysyna sáikes 4 mektep tolyǵymen, sondai-aq 37 mekteptegi 79 synyp, 6 balabaqshada 7, 1 JOO-da 2 top karantinge jabylǵan», dedi N.Mustaev.
Sáýirde 51862 PTR test synamasy (orta eseppen kúnine 2357) zertteýden ótkizildi.
Monitoringtik toptar osy aida 523 reid júrgizip, 3120 nysandy qamtydy. 19 nysanda karantin talabyn buzýshylyq anyqtaldy. 105 hattama toltyrylyp, 6,7 mln astam teńgege aiyppul salyndy.
