باتىس قازاقستان وبلىسىندا سەۋٸر ايىندا 3 مىڭعا جۋىق ادام كوروناۆيرۋس جۇقتىردى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى نۇرلىبەك مۇستاەۆتىڭ ٶڭٸرلٸك كوممۋنيكاتسييالار قىزمەتٸ الاڭىندا مەلٸم ەتكەنٸندەي, جىل باسىنان بەرٸ 8 883 ناۋقاس تٸركەلسە, سونىڭ 1 837-سٸ قاڭتاردا, 1 950-ٸ اقپاندا, 2 138-ٸ ناۋرىزدا, 2 958-ٸ سەۋٸردە انىقتالعان.
نۇرلىبەك ەرمەكۇلىنىڭ سٶزٸنە قاراعاندا, سەۋٸر ايىندا سىرقاتتانعانداردىڭ 1 623-ٸ نەمەسە 54,8 پايىزىنان جرۆي بەلگٸلەرٸ بويىنشا تەكسەرٸلگەندە, ٸندەت تابىلسا, 832-سٸ (28,1 پايىزى) بۇرىن اۋىرعاندارمەن بايلانىستا بولعان. 458-ٸنەن (15,4 پايىز) پروفيلاكتيكالىق ماقساتتا, 45-ٸنەن (1,5 پايىز) ستاتسيونارعا جاتقىزار الدىندا سىناما الىنعان.
وسى ايدا كۆي جۇقتىرعاندارمەن قارىم-قاتىناستاعى 4 494 ادام مەديتسينالىق باقىلاۋعا الىندى.
سوڭعى اپتادا (16-22 سەۋٸر) الدىڭعىمەن (9-15 سەۋٸر) سالىستىرعاندا, ٸندەت جۇقتىرۋ كٶرسەتكٸشٸ 34 پايىزعا (832-دەن 1262-گە) ٶسٸپ كەتٸپ وتىر.
اۋىرعانداردىڭ 1071-ٸ (36,2 پايىزى) – جۇمىس ٸستەيتٸندەر, 739-ى (24,9 پايىزى) – زەينەتكەرلەر, 678-ٸ (22,9 پايىزى) – جۇمىسسىزدار, 212-سٸ (7,1 پايىزى) – وقۋشىلار, 60-ى (2 پايىزى) – مەديتسينا قىزمەتكەرلەرٸ, 62-سٸ (2 پايىزى) – مۇعالٸمدەر.
«تٶرتٸنشٸ توقساندا 1 سەۋٸردەن بەرٸ 210 وقۋشىدان (88-ٸ دەستٷرلٸ سيپاتتا, 122-سٸ قاشىقتان بٸلٸم الادى) كۆي تابىلدى. قازٸرگٸ تاڭدا قالا مەن اۋدانداردىڭ باس مەملەكەتتٸك سانيتار دەرٸگەرلەرٸنٸڭ قاۋلىسىنا سەيكەس 4 مەكتەپ تولىعىمەن, سونداي-اق 37 مەكتەپتەگٸ 79 سىنىپ, 6 بالاباقشادا 7, 1 جوو-دا 2 توپ كارانتينگە جابىلعان», دەدٸ ن.مۇستاەۆ.
سەۋٸردە 51862 پتر تەست سىناماسى (ورتا ەسەپپەن كٷنٸنە 2357) زەرتتەۋدەن ٶتكٸزٸلدٸ.
مونيتورينگتٸك توپتار وسى ايدا 523 رەيد جٷرگٸزٸپ, 3120 نىساندى قامتىدى. 19 نىساندا كارانتين تالابىن بۇزۋشىلىق انىقتالدى. 105 حاتتاما تولتىرىلىپ, 6,7 ملن استام تەڭگەگە ايىپپۇل سالىندى.
