Batys Qazaqstan oblysynda Ekinshi dúniejúzilik soǵysy ardagerlerine 1 mln teńgeden beriledi, dep habarlaidy "Ult aqparat".
BQO ákiminiń baspasóz qyzmeti málim etkenindei, 9 mamyr – Jeńis kúnine orai jergilikti biýdjetten tólenetin birjolǵy áleýmettik kómektiń mólsheri belgilendi.
Atap aitqanda, Ekinshi dúniejúzilik soǵysyna qatysýshylar men múgedekterine (40 adam) 1 mln teńgeden tólenedi.
Sondai-aq qorshaýdaǵy Leningrad turǵyndaryna (3 adam), fashistik kontslagerler men gettolardyń kámeletke tolmaǵan tutqyndaryna (9 adam) jáne keńes áskeriniń erikti jaldanýshy quramynda bolǵandarǵa (3 adam) 120 myń teńgeden beriledi.
Sol sekildi qaitys bolǵan maidangerlerdiń áielderine (349), soǵys kezinde tylda eńbek etkenderge (4 543), Taýly Qarabaqta, Irakta jáne tájik-aýǵan ýchaskesinde urys qimyldaryna qatysqan áskeri qyzmetshilerge (317) 30 myń, beibit ýaqytta qaza tapqan áskeri qyzmetshilerdiń otbasylaryna (231) 60 myń teńgeden tóleý qarastyrylǵan.
Oǵan qosa soǵys ardagerleri men olarǵa teńestirilgen adamdarǵa, fashistik lagerler tutqyndary men qorshaýdaǵy Leningrad turǵyndaryna, 5 AEK (14 585 teńge) kóleminde kommýnaldyq qyzmetterdi tóleýge ai saiynǵy áleýmettik kómek kórsetiledi.
«Osylaisha biylǵy 1 sáýirdegi málimet boiynsha Jeńistiń 76 jyldyǵyn merekeleý aiasynda barlyǵy 5 495 adamǵa jergilikti qazynadan 211,9 mln teńge birjolǵy áleýmettik járdem berilmekshi», dep habarlady BQO ákiminiń baspasóz qyzmeti.
