BQO bas memlekettik sanitar dárigeriniń 8 aqpandaǵy qaýlysy shyqty, dep habarlaidy «Ult aqparat».
BQO sanitarlyq-epidemiologiialyq baqylaý departamenti málim etkenindei, óńirde kinoteatrlardyń, sondai-aq teatr, mádeni nysandardyń jumys jasaýyna ruqsat etildi.
Ol úshin kinoteatrlar InfoKazakhstan.kz saitynda mindetti túrde tirkelip, barlyq sanitarlyq talaptardy saqtai otyryp, tolymdylyǵy 20 paiyzdan aspaýy tiis. Sol sekildi teatr, mádeni nysandarda jeke jáne toptyq daiyndyqta bir mezgilde kelýshiler sany 30 adamnan, oryndar sany 20 paiyzdan aspaýy kerek.
Sondai-aq qoǵamdyq tamaqtandyrý oryndarynyń qyzmet jasaý merzimi uzartylyp, saǵat 07.00-den 24.00-ge deiin ashyq bolady.
Qoǵamdyq kólikter toqtatylmaidy, iaǵni Oralda jeksenbi kúni de júretin boldy. Al saýda úileri jáne jabyq bazarlar tek jeksenbi kúnderi jumys istemeidi.
Basqa shekteý is-sharalary saqtalady.
Eske sala ketsek, Oralda jeksenbi kúnderi qoǵamdyq kólik júrmeidi. Sondai-aq BQO aýdandarynda koronavirýsqa qarsy ekpe jasala bastady.
