© Photo: Brandi Day
Batys Qazaqstan oblysynyń iri kompaniiasy "Jaiyqmunai" jaýapkershiligi shekteýli seriktestigine 2 mlrd teńge aiyppul salyndy, dep habarlaidy "Ult aqparat" oblys prokýratýrasynyń baspasóz qyzmetine silteme jasap.
"Prokýratýra qabyldaǵan sharalardyń nátijesinde "Jaiyqmunai" JShS memlekettik biýdjetke 9 mlrd teńge kóleminde korporativtik tabys salyǵy men qosylǵan qun salyǵyn tóledi.
Budan bólek 2016-2021jyldar aralyǵynda qosylǵan qun salyǵy men korporativtik tabys salyǵy somalaryn tómendetkeni úshin kompaniiaǵa "Ákimshilik quqyq buzýshylyq týraly" Kodekstiń 278-babynyń 1-bóligi boiynsha 2 mlrd teńge somasyna aiyppul salyndy, ol tolyq kólemde óteldi
Nátijesinde memlekettik biýdjet 11 mlrd teńgege tolyqtyryldy" - delingen habarlamada.
