Batys Qazaqstan oblysynda koronavirýs juqtyrǵan 28 adam jansaqtaý bóliminde jatyr, dep habarlaidy "Ult aqparat"
BQO densaýlyq saqtaý basqarmasynyń baspasóz qyzmeti málim etkendei, 579 tósektik 7 juqpaly aýrýlar statsionarynda jatqandar sany 295-ke jetti.
Sondai-aq 185 tósektik 4 karantin statsionarynda 31 adam emdelýde.
Osy kezge deiin oblysta indetke 9935 adam shaldyqsa, sonyń 8600-i jazylyp shyqty. 175 adam kóz jumdy.
Sońǵy táýlikte 47, bir aptada 313 adamnyń koronavirýspen syrqattanǵany belgili boldy.
Pnevmoniiamen aýyrǵan 256 adam statsionarlyq, 51-i ambýlatorlyq em aldy. Bul dertten 264 adam qaitty.
Kúni búgin jasandy tynys alý apparatyna 1, invazivti emes jasandy tynys alý apparatyna 8, ottegi kontsentratoryna 14, ortalyqtandyrylǵan ottegi kózine 60 adam qosylǵan.
Qańtar aiynda otbasy múshelerinen koronavirýs juqtyrǵan 43 bala tirkeldi.
Qarashyǵanaq kenishin igerip jatqan «QPO b.v.» kompaniiasynda jyl basynan beri 14 adam aýyrsa, sonyń tórteýinen vahtaǵa kirer aldynda, úsheýinen vahtalyq aýysym bitkennen keiin, jeteýinen jumystan tys ýaqytta meditsinalyq kómekke júgingen kezde anyqtaldy.
Chinarev ken ornyndaǵy «Jaiyqmunai» JShS-ynda qańtarda 6 adamnyń bireýinen vahtalyq aýysymǵa shyǵar aldynda, beseýinen jumystan tys ýaqytta koronavirýs tabyldy.
