باتىس قازاقستان وبلىسىندا كوروناۆيرۋس جۇقتىرعان 28 ادام جانساقتاۋ بٶلٸمٸندە جاتىر, دەپ حابارلايدى "ۇلت اقپارات"
بقو دەنساۋلىق ساقتاۋ باسقارماسىنىڭ باسپاسٶز قىزمەتٸ مەلٸم ەتكەندەي, 579 تٶسەكتٸك 7 جۇقپالى اۋرۋلار ستاتسيونارىندا جاتقاندار سانى 295-كە جەتتٸ.
سونداي-اق 185 تٶسەكتٸك 4 كارانتين ستاتسيونارىندا 31 ادام ەمدەلۋدە.
وسى كەزگە دەيٸن وبلىستا ٸندەتكە 9935 ادام شالدىقسا, سونىڭ 8600-ٸ جازىلىپ شىقتى. 175 ادام كٶز جۇمدى.
سوڭعى تەۋلٸكتە 47, بٸر اپتادا 313 ادامنىڭ كوروناۆيرۋسپەن سىرقاتتانعانى بەلگٸلٸ بولدى.
پنەۆمونييامەن اۋىرعان 256 ادام ستاتسيونارلىق, 51-ٸ امبۋلاتورلىق ەم الدى. بۇل دەرتتەن 264 ادام قايتتى.
كٷنٸ بٷگٸن جاساندى تىنىس الۋ اپپاراتىنا 1, ينۆازيۆتٸ ەمەس جاساندى تىنىس الۋ اپپاراتىنا 8, وتتەگٸ كونتسەنتراتورىنا 14, ورتالىقتاندىرىلعان وتتەگٸ كٶزٸنە 60 ادام قوسىلعان.
قاڭتار ايىندا وتباسى مٷشەلەرٸنەن كوروناۆيرۋس جۇقتىرعان 43 بالا تٸركەلدٸ.
قاراشىعاناق كەنٸشٸن يگەرٸپ جاتقان «قپو ب.ۆ.» كومپانيياسىندا جىل باسىنان بەرٸ 14 ادام اۋىرسا, سونىڭ تٶرتەۋٸنەن ۆاحتاعا كٸرەر الدىندا, ٷشەۋٸنەن ۆاحتالىق اۋىسىم بٸتكەننەن كەيٸن, جەتەۋٸنەن جۇمىستان تىس ۋاقىتتا مەديتسينالىق كٶمەككە جٷگٸنگەن كەزدە انىقتالدى.
چينارەۆ كەن ورنىنداعى «جايىقمۇناي» جشس-ىندا قاڭتاردا 6 ادامنىڭ بٸرەۋٸنەن ۆاحتالىق اۋىسىمعا شىعار الدىندا, بەسەۋٸنەن جۇمىستان تىس ۋاقىتتا كوروناۆيرۋس تابىلدى.
