Batys Qazaqstan oblysynda úsh adamdy óltirgeni úshin ómir boiyna sottalǵan jigit úkimge shaǵym túsirdi, dep habarlaidy "Moi gorod" óńirlik basylymy.
2017 jyldyń jeltoqsanynda 24 jastaǵy Ádilet Qamaliev eki áiel men 3 jastaǵy sábidi óltirgeni úshin aiypty dep tanylyp, ómir boiyna bas bostandyǵynan aiyrylǵan.
"Birinshi instantsiia sotynyń úkimi zańdy kúshine engen joq, qazir oblystyń apelliatsiialyq kollegiiasyna tústi", — dep habarlady BQO qylmystyq ister boiynsha mamandandyrylǵan aýdanaralyq sotynyń tóraǵasy Qairat Shalqarov.
Jantúrshigerlik qylmys 2017 jyldyń 5 qyrkúieginde bolǵan. Sotta aitylǵandai, jigit jas áieldi qyzǵanyp, úsh jasar uly jáne qurbysymen birge pyshaqtap tastaǵan. Qylmysynyń izin jasyrý úshin úige órt qoiyp ketipti. Sotta ol kinásin moiyndap, mas bolǵanyn málimdedi.
