Batys Qazaqstan oblysynda aldaǵy jyly Bókei handyǵynyń 220, Jáńgir han mektebiniń 180 jyldyǵy atalyp ótilmek, dep habarlaidy "Ult aqparat".
Bókei ordasy aýdanynyń ákimi Nurlan Rahymjanovtyń aitýynsha, osyǵan orai arnaiy komissiia, jumys toby qurylyp, iske kiristi.
Qazaqstan tarihynda eleýli orny bar Bókei handyǵynyń 1801 jyly irgesi qalansa, elimizdegi tuńǵysh bilim ordalarynyń biri – Jáńgir han mektebi 1841 jyly 6 jeltoqsanda ashyldy.
«Qazirgi tańda naqty jospar jasalýda. Oraldaǵy «Bókeilikter» qaýymdastyǵynyń usynys-pikirleri de eskeriledi. Negizgi sharalardy aldaǵy jyldyń kúzine belgileýdi jón kórdik. Oǵan deiin Jáńgir han 1826 jyly otaýyn tikken tarihi Han ordasy aýylyn jańǵyrtý jumystary júrgiziledi», dedi Nurlan Saǵyntaiuly.
Atap aitqanda, «Aýyl – el besigi» respýblikalyq baǵdarlamasy aiasynda aýyldyq mádeniet úiin, Jáńgir han mektebi men onyń eki internat ǵimaratyn kúrdeli jóndeý josparlanýda. Qazirgi kezde jobalaý-smetalyq qujattamasy saraptamadan ótýde. Sondai-aq Jáńgir han jáne Alma Orazbaeva atyndaǵy kóshelerge asfalt jol salynady.
Bókei handyǵyna bailanysty tarihi derekterdiń Astrahan, Orynbor siiaqty qalalardyń arhivterinde jatqany belgili.
Osyǵan orai reseilik ǵalymdardyń qatysýymen halyqaralyq ǵylymi-tájiribelik konferentsiia uiymdastyrý oilastyrylýda.
