باتىس قازاقستان وبلىسىندا الداعى جىلى بٶكەي حاندىعىنىڭ 220, جەڭگٸر حان مەكتەبٸنٸڭ 180 جىلدىعى اتالىپ ٶتٸلمەك, دەپ حابارلايدى "ۇلت اقپارات".
بٶكەي ورداسى اۋدانىنىڭ ەكٸمٸ نۇرلان راحىمجانوۆتىڭ ايتۋىنشا, وسىعان وراي ارنايى كوميسسييا, جۇمىس توبى قۇرىلىپ, ٸسكە كٸرٸستٸ.
قازاقستان تاريحىندا ەلەۋلٸ ورنى بار بٶكەي حاندىعىنىڭ 1801 جىلى ٸرگەسٸ قالانسا, ەلٸمٸزدەگٸ تۇڭعىش بٸلٸم وردالارىنىڭ بٸرٸ – جەڭگٸر حان مەكتەبٸ 1841 جىلى 6 جەلتوقساندا اشىلدى.
«قازٸرگٸ تاڭدا ناقتى جوسپار جاسالۋدا. ورالداعى «بٶكەيلٸكتەر» قاۋىمداستىعىنىڭ ۇسىنىس-پٸكٸرلەرٸ دە ەسكەرٸلەدٸ. نەگٸزگٸ شارالاردى الداعى جىلدىڭ كٷزٸنە بەلگٸلەۋدٸ جٶن كٶردٸك. وعان دەيٸن جەڭگٸر حان 1826 جىلى وتاۋىن تٸككەن تاريحي حان ورداسى اۋىلىن جاڭعىرتۋ جۇمىستارى جٷرگٸزٸلەدٸ», دەدٸ نۇرلان ساعىنتايۇلى.
اتاپ ايتقاندا, «اۋىل – ەل بەسٸگٸ» رەسپۋبليكالىق باعدارلاماسى اياسىندا اۋىلدىق مەدەنيەت ٷيٸن, جەڭگٸر حان مەكتەبٸ مەن ونىڭ ەكٸ ينتەرنات عيماراتىن كٷردەلٸ جٶندەۋ جوسپارلانۋدا. قازٸرگٸ كەزدە جوبالاۋ-سمەتالىق قۇجاتتاماسى ساراپتامادان ٶتۋدە. سونداي-اق جەڭگٸر حان جەنە الما ورازباەۆا اتىنداعى كٶشەلەرگە اسفالت جول سالىنادى.
بٶكەي حاندىعىنا بايلانىستى تاريحي دەرەكتەردٸڭ استراحان, ورىنبور سيياقتى قالالاردىڭ ارحيۆتەرٸندە جاتقانى بەلگٸلٸ.
وسىعان وراي رەسەيلٸك عالىمداردىڭ قاتىسۋىمەن حالىقارالىق عىلىمي-تەجٸريبەلٸك كونفەرەنتسييا ۇيىمداستىرۋ ويلاستىرىلۋدا.
