Batys Qazaqstan oblysynda politsiia qyzmetkerleri blokpostarda karantin talabyn buzýshylyqtyń 383 deregin anyqtady, dep habarlaidy "Ult aqparat".
brifingide málim etkenindei, oblysta 1 mamyrdan bastap epidemiologiialyq jaǵdaidy baǵalaý matritsasyna sai «qyzyl» aimaqta ornalasqan Oral qalasy, Aqjaiyq, Báiterek, Bórli, Kaztalov, Terekti jáne Shyńǵyrlaý aýdandarynyń kireberisterinde ornatylǵan 21 blokpost qyzmet etýde.
Departament basshysynyń aitýynsha, turǵyndar tarapynan karantin talaptaryn buzýshylyq áli de tyiylar emes. Blokpostar epidemiologiialyq ahýal jaqsarǵan jaǵdaida ǵana alynatyn bolady.
Óńirde indet bastalǵaly 19960, 1 mamyrdan beri 620 adamnyń koronavirýs juqtyrǵany anyqtaldy.
Mamyrda JRVI belgileri boiynsha tekserilgen 338 (54,5 paiyz), buryn aýyrǵandarmen qarym-qatynasta bolǵan 208 (33,5 paiyz), profilaktikalyq maqsatta qaralǵan 69 (11,1 paiyz) jáne vahtalyq aýysymnan shyǵarda ne kirerde, shetelge keterde, sondai-aq statsionarǵa jatqyzar aldynda synama alynǵan 5 (0,8 paiyz) adamnan kovid tabyldy.
Sońǵy táýlikte 151 naýqas tirkeldi. Sońǵy aptada (29 sáýir – 5 mamyr) aldyńǵymen (22-28 sáýir) salystyrǵanda, virýs juqtyrý kórsetkishi 15,9 paiyzǵa (1107-den 930-ǵa) tómendedi.
Osy aida 11495 PTR test zertteýleri (kúnine orta eseppen 2299) júrgizildi.
Mamyrda memlekettik shekaradan barlyǵy 5920 adam ótse, sonyń 1619-y – jolaýshylar. Anyqtamasyz ótken 70 jolaýshy karantin statsionaryna jatqyzyldy, test qorytyndysyna sáikes eshqaisysynan virýs tabylǵan joq. Al halyqaralyq júk tasymalymen ainalysatyn 2792 júrgizýshiniń 423-inde anyqtama bolǵan joq. Solardyń ekeýinen koronavirýs anyqtaldy.
«Oblysta monitoringtik toptar da óz jumystaryn jalǵastyrýda. 1 mamyrdan bastap 39 reid júrgizilip, 166 nysan qamtyldy. 1 nysanda karantin talabyn buzýshylyq anyqtaldy. 4 hattama toltyrylyp, 175 myńnan astam teńgege aiyppul salyndy», dedi M.Aryspaev.
