Batys Qazaqstan oblysynda bir aptada 458 adamnan koronavirýs anyqtaldy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, sońǵy táýlikte 89 adamnyń indet juqtyrǵany belgili boldy.
Óńirde osy kezge deiin 10393 adam syrqattansa, sonyń 8803-i jazylyp shyqty. 183 adam kóz jumdy.
Pnevmoniiaǵa shaldyqqan 254 adam statsionarlyq, 53-i ambýlatorlyq em qabyldady. Bul dertten 264 adam ómirden ozdy.
Qazirgi kezde invazivti emes jasandy tynys alý apparatyna 4, ottegi kontsentratoryna 17, ortalyqtandyrylǵan ottegi kózine 59 adam qosylǵan.
Juqpaly aýrýlar statsionarlarynda 285 adam emdelýde. Karantindik statsionarda 32, jansaqtaý bóliminde 19 adam jatyr.
Qańtarda koronavirýs juqtyrǵan balalar sany 89-ǵa jetti.
Qarashyǵanaq kenishindegi «QPO b.v.» kompaniiasynda jumys isteitinder arasynan osy aida 22 adamnan indet tabyldy. Al Chinarev kenishindegi «Jaiyqmunai» JShS-da 11 adam aýyrǵan.
Oblysta 13 zerthana bar. Sońǵy táýlikte 1931 zertteý júrgizildi.
Táýlik boiy úsh aýysymda jumys istep jatqan CALL ortalyǵyna sońǵy aptada (18-24 qańtar) 2935 qońyraý shalynsa, sonyń 290-y koronavirýsqa qatysty boldy. Sońǵy táýlikte 100 qońyraý (25-i indetke bailanysty) qabyldandy.
