باتىس قازاقستان وبلىسىندا بٸر اپتادا 458 ادامنان كوروناۆيرۋس انىقتالدى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسىنىڭ باسپاسٶز قىزمەتٸ مەلٸم ەتكەنٸندەي, سوڭعى تەۋلٸكتە 89 ادامنىڭ ٸندەت جۇقتىرعانى بەلگٸلٸ بولدى.
ٶڭٸردە وسى كەزگە دەيٸن 10393 ادام سىرقاتتانسا, سونىڭ 8803-ٸ جازىلىپ شىقتى. 183 ادام كٶز جۇمدى.
پنەۆمونيياعا شالدىققان 254 ادام ستاتسيونارلىق, 53-ٸ امبۋلاتورلىق ەم قابىلدادى. بۇل دەرتتەن 264 ادام ٶمٸردەن وزدى.
قازٸرگٸ كەزدە ينۆازيۆتٸ ەمەس جاساندى تىنىس الۋ اپپاراتىنا 4, وتتەگٸ كونتسەنتراتورىنا 17, ورتالىقتاندىرىلعان وتتەگٸ كٶزٸنە 59 ادام قوسىلعان.
جۇقپالى اۋرۋلار ستاتسيونارلارىندا 285 ادام ەمدەلۋدە. كارانتيندٸك ستاتسيوناردا 32, جانساقتاۋ بٶلٸمٸندە 19 ادام جاتىر.
قاڭتاردا كوروناۆيرۋس جۇقتىرعان بالالار سانى 89-عا جەتتٸ.
قاراشىعاناق كەنٸشٸندەگٸ «قپو ب.ۆ.» كومپانيياسىندا جۇمىس ٸستەيتٸندەر اراسىنان وسى ايدا 22 ادامنان ٸندەت تابىلدى. ال چينارەۆ كەنٸشٸندەگٸ «جايىقمۇناي» جشس-دا 11 ادام اۋىرعان.
وبلىستا 13 زەرتحانا بار. سوڭعى تەۋلٸكتە 1931 زەرتتەۋ جٷرگٸزٸلدٸ.
تەۋلٸك بويى ٷش اۋىسىمدا جۇمىس ٸستەپ جاتقان CALL ورتالىعىنا سوڭعى اپتادا (18-24 قاڭتار) 2935 قوڭىراۋ شالىنسا, سونىڭ 290-ى كوروناۆيرۋسقا قاتىستى بولدى. سوڭعى تەۋلٸكتە 100 قوڭىراۋ (25-ٸ ٸندەتكە بايلانىستى) قابىلداندى.
