Batys Qazaqstan oblysynda jyl basynan beri 83 muǵalimnen koronavirýs anyqtaldy, dep habarlaidy BQO sanitarlyq-epidemiologiialyq baqylaý departamenti baspasóz qyzmeti.
Sondai-aq 1 qańtardan beri 139 oqýshydan virýs tabyldy.
Aýmaqtyq bas memlekettik sanitar dárigerleriniń qaýlysyna sáikes 28 mektepte 39 synyp karantinge jabyldy.
Koronavirýspen aýyrǵandardyń kópshiligi virýsty úi oshaǵynda juqtyrǵan.
Oblysta keshe vaktsinalaý bastalyp, BQO ákiminiń orynbasary men bas memlekettik sanitar dárigeri alǵashqylardyń qatarynda ekpe saldyrdy.
Oblystyq densaýlyq saqtaý basqarmasynyń málimetine sáikes óńirde 8 myńdai meditsina qyzmetkeri, 23412 pedagog, 39605 stýdent, júrek-qan tamyrlary júiesi jáne tynys organdary aýrýlarymen dispanserde turatyn 100926 adam, sondai-aq meditsinalyq-áleýmettik mekemelerdiń 2471 qyzmetkeri jáne jabyq balalar uiymdarynyń 156 mamany ekpe saldyratyn bolady.
Eske sala keteiik, budan buryn BQO-da sanitarlyq talaptardy buzǵandarǵa 50-den astam hattama toltyrylǵanyn jazǵan bolatynbyz.
