Batys Qazaqstan oblysynda 40 tonnalyq júk kóligi joldan túsip ketti, dep habarlaidy QazAqparat.
BQO TJ departamentiniń baspasóz qyzmeti málim etkenindei, oqiǵa 19 naýryz kúni respýblikalyq mańyzy bar Samara-Shymkent jolynyń 523-524 shaqyrymynda boldy.
Aýyr júk (40 tonna) kóliginiń joldan túsip ketkeni jónindegi habar kelgen boida oqiǵa ornyna Shyńǵyrlaý, Syrym aýdany TJ qyzmetkerleri jedel jetti. Olar aýdan ákimdiginiń kómegimen júk kóligin tasjolǵa shyǵardy.
Kólik iesi Almaty oblysynan Reseidiń Orynbor óńirine bara jatqan bolyp shyqty. Ol kómek qolyn sozǵandarǵa shynaiy alǵysyn jetkizdi.
Sol sekildi Syrym aýdany TJ bóliminiń qyzmetkerleri Samara-Shymkent jolynyń 463-shaqyrymynda jol janyndaǵy qalyń qarǵa túsip ketken jylqyny da shyǵaryp jiberdi.
Eske sala keteiik, budan buryn Batys Qazaqstanda bir kúnde eki kóliktiń órtengenin jazǵan bolatynbyz.
TJ departamenti málimetine qaraǵanda, jyl basynan beri jiyrmadai avtokólik otqa orandy.
