باتىس قازاقستان وبلىسىندا 40 توننالىق جٷك كٶلٸگٸ جولدان تٷسٸپ كەتتٸ, دەپ حابارلايدى قازاقپارات.
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 19 ناۋرىز كٷنٸ رەسپۋبليكالىق ماڭىزى بار سامارا-شىمكەنت جولىنىڭ 523-524 شاقىرىمىندا بولدى.
اۋىر جٷك (40 توننا) كٶلٸگٸنٸڭ جولدان تٷسٸپ كەتكەنٸ جٶنٸندەگٸ حابار كەلگەن بويدا وقيعا ورنىنا شىڭعىرلاۋ, سىرىم اۋدانى تج قىزمەتكەرلەرٸ جەدەل جەتتٸ. ولار اۋدان ەكٸمدٸگٸنٸڭ كٶمەگٸمەن جٷك كٶلٸگٸن تاسجولعا شىعاردى.
كٶلٸك يەسٸ الماتى وبلىسىنان رەسەيدٸڭ ورىنبور ٶڭٸرٸنە بارا جاتقان بولىپ شىقتى. ول كٶمەك قولىن سوزعاندارعا شىنايى العىسىن جەتكٸزدٸ.
سول سەكٸلدٸ سىرىم اۋدانى تج بٶلٸمٸنٸڭ قىزمەتكەرلەرٸ سامارا-شىمكەنت جولىنىڭ 463-شاقىرىمىندا جول جانىنداعى قالىڭ قارعا تٷسٸپ كەتكەن جىلقىنى دا شىعارىپ جٸبەردٸ.
ەسكە سالا كەتەيٸك, بۇدان بۇرىن باتىس قازاقستاندا بٸر كٷندە ەكٸ كٶلٸكتٸڭ ٶرتەنگەنٸن جازعان بولاتىنبىز.
تج دەپارتامەنتٸ مەلٸمەتٸنە قاراعاندا, جىل باسىنان بەرٸ جيىرماداي اۆتوكٶلٸك وتقا وراندى.
