Batys Qazaqstan oblysynda 240 adam koronavirýsqa qarsy egildi, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, sonyń ishinde 53 dáriger, 161 orta jáne 21 kishi býyn meditsina qyzmetkeri ekpe aldy.
Sondai-aq oblystyq sanitarlyq-epidemiologiialyq baqylaý departamentiniń 4 qyzmetkeri egildi.
«Qazirgi kezde densaýlyq saqtaý jáne sanitarlyq-epidemiologiialyq qyzmet salasy qyzmetkerleri egilýde. Naýryzda muǵalimderge, sáýirde memlekettik qyzmetshilerge kezek keledi», dep habarlady basqarmanyń baspasóz qyzmeti.
Basqarma málimetine qaraǵanda, sońǵy táýlikte 109, bir aptada 629 adam koronavirýs juqtyrdy.
Kúni búgin juqpaly aýrýlar aýrýhanalarynda 291, karantindik statsionarlarda 22 adam em alýda. 24 adam jansaqtaý bóliminde jatyr.
Jyl basynan beri indet juqtyrǵan balalar sany 144-ke jetti.
Eske sala keteiik, budan buryn BQO ákiminiń orynbasary men bas memlekettik sanitar dárigeriniń ekpe saldyrǵanyn, Oralda bir kúnde 80 adamnan koronavirýs anyqtalǵanyn jazǵan bolatynbyz.
