Batys Qazaqstan oblysy Qaztalov aýdany Taldyapan aýyldyq okrýgine qarasty Qosoba eldi mekeninde iri órt bolyp, qoi-eshki ot arasynda qalyp qoidy. Búgingi tańda aýdanda tótenshe jaǵdai jariialandy, - dep habarlaidy "Ult aqparat" jergilikti "Oral óńiri" basylymyna silteme jasap.
Aýdan əkimi Abat Shynybekov, aýdan əkiminiń orynbasary Nuretdin Qutqojin, aýdandyq máslihat depýtaty Nurlybai Joldybaiuly, bólim basshylary Qosoba aýylynyń turǵyndarymen kezdesti.
- Aýdanda tótenshe jaǵdai jariialandy. Shyǵyn óte kóp. Aýyl turǵyndaryna aýdan tarapynan qolymyzdan kelgenshe kómek kórsetýge əzirmiz. Aýdanymyzdyń sharýa qojalyq jetekshilerine úndeý jariialap, keltirilgen shyǵyndy qaitarý maqsatynda asarlatyp kómek kórsetetin bolamyz. "Jumyla kótergen júk jeńil" demekshi qiyn jaǵdaida kómek kórsetýge ər ýaqytta daiynbyz. Mal azyǵyn daiyndaýda jáne aldaǵy oqý jylyna oqýshylardyń oqý quraldaryn alyp berýge de kómek bolady, - dedi aýdan əkimi kezdesýde.
«29-30 shilde kúnderi aralyǵynda Jańaqala aýdanynan dala órti kirip, Taldyapan aýyldyq okrýgine qarasty Qosoba eldi mekeni turǵyndarynyń usaq maldary órtke oranyp, keltirilgen shyǵyn anyqtaldy», - deidi aýdandyq tótenshe jaǵdailar bólimi. Kúni búgin 598 usaq mal órtenip ketken. Sonyń ishinde 404 qozyly-qoi, 194 eshki-laq. Qazirgi kezde arnaiy jumys toby qurylyp, materialdyq ótemaqy tóleýdiń joldary qarastyrylýda.
