Batys Qazaqstan oblysynda úshinshi toqsanda 1 sáýirden bastap 350 oqýshydan koronavirýs anyqtaldy, dep habarlaidy "Ult aqparat".
BQO sanitarlyq-epidemiologiialyq baqylaý departamenti málim etkenindei, indet juqtyrǵan shákirtterdiń 180-i dástúrli sipatta, 170-i qashyqtan oqidy.
Osyǵan bailanysty olar bilim alatyn mektepterde tiisti karantindik is-sharalar alyndy.
«Oblysta 1 mamyrdan beri 340 adamnan indet tabyldy. Sonyń ishinde 207-sinen (60,8 paiyzy) JRVI belgileri boiynsha dárigerge qaralǵan kezde kovid anyqtaldy. Sondai-aq 104-i (30,5 paiyzy) buryn aýyrǵandarmen qarym-qatynasta bolǵan. 26-synan (7,6 paiyzy) profilaktikalyq maqsatta tekserilgen, úsheýinen (0,8 paiyzy) statsionarǵa jatqyzar aldynda synama alynǵanda, dertke shaldyqqany belgili boldy», dep habarlady vedomstvodan.
