باتىس قازاقستان وبلىسىندا ٷشٸنشٸ توقساندا 1 سەۋٸردەن باستاپ 350 وقۋشىدان كوروناۆيرۋس انىقتالدى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ مەلٸم ەتكەنٸندەي, ٸندەت جۇقتىرعان شەكٸرتتەردٸڭ 180-ٸ دەستٷرلٸ سيپاتتا, 170-ٸ قاشىقتان وقيدى.
وسىعان بايلانىستى ولار بٸلٸم الاتىن مەكتەپتەردە تيٸستٸ كارانتيندٸك ٸس-شارالار الىندى.
«وبلىستا 1 مامىردان بەرٸ 340 ادامنان ٸندەت تابىلدى. سونىڭ ٸشٸندە 207-سٸنەن (60,8 پايىزى) جرۆي بەلگٸلەرٸ بويىنشا دەرٸگەرگە قارالعان كەزدە كوۆيد انىقتالدى. سونداي-اق 104-ٸ (30,5 پايىزى) بۇرىن اۋىرعاندارمەن قارىم-قاتىناستا بولعان. 26-سىنان (7,6 پايىزى) پروفيلاكتيكالىق ماقساتتا تەكسەرٸلگەن, ٷشەۋٸنەن (0,8 پايىزى) ستاتسيونارعا جاتقىزار الدىندا سىناما الىنعاندا, دەرتكە شالدىققانى بەلگٸلٸ بولدى», دەپ حابارلادى ۆەدومستۆودان.
