Batys Qazaqstan oblysynda qyrkúiek aiynan beri 231 bala koronavirýs juqtyrsa, sonyń 184-i jazylyp shyqty, dep habarlaidy "Ult aqparat".
BQO Sanitarlyq-epidemiologiialyq baqylaý departamentiniń baspasóz qyzmetinen málim etkendei, qazirgi kezde 47 bala em-domyn jalǵastyrýda.
Sondai-aq qyrkúiek aiynan beri bilim salasynyń 83 qyzmetkerinen indet tabylsa, sonyń 62-si emdelip shyqty. 21-i em alýda.
Pandemiia bastalǵaly oblysta barlyǵy 9669 adam koronavirýsqa shaldyqsa, sonyń 8319-y jazylyp shyqty. 174 adam kóz jumdy.
Sońǵy táýlikte 47 adamnyń indet juqtyrǵany tirkeldi. 1 qańtardan beri syrqattanǵandar sany 448-ge jetti.
Oblysta 158 monitorigilik top jumys isteýde. Jyl basynan beri karantin tártibin buzǵandarǵa 1,1 mln astam teńgege 22 hattama toltyryldy.
Qarashyǵanaq kenishin igerip jatqan «QPO b.v.» kompaniiasynda 1 qańtardan beri 11 adamnyń koronavirýs juqtyrǵany anyqtaldy. Olardyń úsheýinen vahtalyq kezekshilikteri bastalar kezde, úsheýinen vahtalyq kezekshiligi aiaqtalǵannan keiin, beseýinen jumystan tys ýaqytta dárigerge júgingende tabylǵan. 2020 jyly bul kompaniiada 86 adamnyń aýyrǵany tirkelgen bolatyn.
Sondai-aq Chinarev kenishindegi «Jaiyqmunai» JShS-da 2020 jyly 61 adamnyń, 1 qańtardan beri 3 adamnyń aýyrǵany belgili boldy.
Eske sala keteiik, budan buryn BQO-da kinoteatrlar ashylyp, jekelegen synyptar mektepten oqitynyn jazǵan bolatynbyz.
