باتىس قازاقستان وبلىسىندا قىركٷيەك ايىنان بەرٸ 231 بالا كوروناۆيرۋس جۇقتىرسا, سونىڭ 184-ٸ جازىلىپ شىقتى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸنەن مەلٸم ەتكەندەي, قازٸرگٸ كەزدە 47 بالا ەم-دومىن جالعاستىرۋدا.
سونداي-اق قىركٷيەك ايىنان بەرٸ بٸلٸم سالاسىنىڭ 83 قىزمەتكەرٸنەن ٸندەت تابىلسا, سونىڭ 62-سٸ ەمدەلٸپ شىقتى. 21-ٸ ەم الۋدا.
پاندەمييا باستالعالى وبلىستا بارلىعى 9669 ادام كوروناۆيرۋسقا شالدىقسا, سونىڭ 8319-ى جازىلىپ شىقتى. 174 ادام كٶز جۇمدى.
سوڭعى تەۋلٸكتە 47 ادامنىڭ ٸندەت جۇقتىرعانى تٸركەلدٸ. 1 قاڭتاردان بەرٸ سىرقاتتانعاندار سانى 448-گە جەتتٸ.
وبلىستا 158 مونيتوريگٸلٸك توپ جۇمىس ٸستەۋدە. جىل باسىنان بەرٸ كارانتين تەرتٸبٸن بۇزعاندارعا 1,1 ملن استام تەڭگەگە 22 حاتتاما تولتىرىلدى.
قاراشىعاناق كەنٸشٸن يگەرٸپ جاتقان «قپو ب.ۆ.» كومپانيياسىندا 1 قاڭتاردان بەرٸ 11 ادامنىڭ كوروناۆيرۋس جۇقتىرعانى انىقتالدى. ولاردىڭ ٷشەۋٸنەن ۆاحتالىق كەزەكشٸلٸكتەرٸ باستالار كەزدە, ٷشەۋٸنەن ۆاحتالىق كەزەكشٸلٸگٸ اياقتالعاننان كەيٸن, بەسەۋٸنەن جۇمىستان تىس ۋاقىتتا دەرٸگەرگە جٷگٸنگەندە تابىلعان. 2020 جىلى بۇل كومپانييادا 86 ادامنىڭ اۋىرعانى تٸركەلگەن بولاتىن.
سونداي-اق چينارەۆ كەنٸشٸندەگٸ «جايىقمۇناي» جشس-دا 2020 جىلى 61 ادامنىڭ, 1 قاڭتاردان بەرٸ 3 ادامنىڭ اۋىرعانى بەلگٸلٸ بولدى.
ەسكە سالا كەتەيٸك, بۇدان بۇرىن بقو-دا كينوتەاترلار اشىلىپ, جەكەلەگەن سىنىپتار مەكتەپتەن وقيتىنىن جازعان بولاتىنبىز.
