Batys Qazaqstan oblysynda qolaisyz aýa raiyna bailanysty 17 eldi meken elektr jaryǵynsyz qaldy, dep habarlaidy "Ult aqparat".
BQO Tótenshe jaǵdailar departamentiniń baspasóz qyzmetinen málim etkenindei, Báiterek, Jańaqala, Tasqala, Terekti aýdandarynda 13 eldi mekende – 2266 abonent, sonyń ishinde 30 áleýmettik nysan jaryqsyz qalyp otyr.
Atap aitqanda, Báiterek aýdanynda Pogodaev (946 abonent, sonyń ishinde 4 áleýmettik nysan), Kotelnikov (232 abonent, 3 áleýmettik nysan), Krasnov (352 abonent), Astafev (19 abonent), Chapýrin (7 abonent) aýyldarynda jaryq joq.
Sondai-aq Tasqala aýdanynda Dostyq (168 abonent, 6 áleýmettik nysan) jáne basqa eldi mekenderde osyndai oqiǵa oryn aldy.
Terekti aýdanynda Prirechnyi (185 abonent, 4 áleýmettik nysan), Bogdanov (165 abonent, 3 áleýmettik nysan), Dolinnyi (287 abonent, 3 áleýmettik nysan) aýyldarynda, Jańaqalanyń Plantatsiia (27 abonent) eldi mekeninde jaryq joq.
Oǵan qosa eki aýdanda bes eldi meken sýsyz qaldy.
Tasqala aýdanynda Mereke aýylynan 10 shaqyrym jerde 2 aqpan kúni saǵat 11.00-de elektr qýatynyń shekten tys artýynan sý qoimasy uńǵymasyndaǵy sorǵy janyp ketti. Sonyń saldarynan Mereke (189 abonent, 4 áleýmettik nysan), Qalmaq (15 abonent) aýyldary sýsyz qaldy.
Bókei ordasy aýdanynda keshe saǵat 15.00-de Keńoi aýylynan 12 shaqyrym jerde «Aqmektep» sý qoimasy uńǵymasyndaǵy sorǵy janyp ketti. Sonyń saldarynan Uialy (227 abonent, 3 áleýmettik nysan), Saraljyn (267 abonent, 3 áleýmettik nysan), Keńoi aýyldary sýsyz qaldy. Turǵyndar qudyq sýyn paidalanýda.
Qazirgi kezde óńirde qalpyna keltirý jumystary júrgizilýde.
